ចក្រភពអង់គ្លេសនិងអៀរឡង់ ត្រៀមទទួលសិទ្ធិធ្វើជាម្ចាស់ផ្ទះព្រឹត្តិការណ៍ EURO 2028

EURO
October 4th, 2023 (2 years)
546 Views
Share

ចក្រភពអង់គ្លេស និងអៀរឡង់ ត្រូវបានរំពឹងថានឹងក្លាយជាសហម្ចាស់ផ្ទះព្រឹត្តិការណ៍ EURO 2028 បន្ទាប់ពីប្រទេសតួកគី បានដកខ្លួនចេញពីការដេញថ្លៃ។

ប្រទេសតួកគី បានសហការគ្នាជាមួយប្រទេសអ៊ីតាលី ដើម្បីធ្វើជាម្ចាស់ផ្ទះ EURO 2032 បន្ទាប់ពីការអនុម័តរបស់សហព័ន្ធបាល់ទាត់ទ្វីបអឺរ៉ុប (UEFA) ដែលមានន័យថា ចក្រភពអង់គ្លេស និងអៀរឡង់ គឺជាបេក្ខភាពតែមួយគត់ដែលនៅសល់ក្នុងដំណើរការនៃការដេញថ្លៃជាម្ចាស់ផ្ទះព្រឹត្តិការណ៍ EURO 2028។ ប្រទេសទាំងពីរ គ្រោងនឹងប្រកាសពីភាពជោគជ័យនៅទីក្រុង Nyon នៅថ្ងៃអង្គារសប្តាហ៍ក្រោយ។

នៅក្នុងសេចក្តីថ្លែងការណ៍មួយរបស់ UEFA បានបញ្ជាក់ថា ព្រឹត្តិការណ៍ EURO 2028 និង 2032 នឹងផ្ដល់សិទ្ធិជូនចក្រភពអង់គ្លេស-អៀរឡង់ និង តួកគី-អ៊ីតាលី ដោយរង់ចាំការយល់ព្រមពីគណៈកម្មាធិការប្រតិបត្តិរបស់ UEFA ។

កីឡដ្ឋាន Aviva និង Casement Park ដែលជិតសាងសង់ ស្ថិតក្នុងចំណោមកីឡដ្ឋានទាំង ១០ សម្រាប់ការដេញថ្លៃរួមបញ្ចូលគ្នារវាងប្រទេសអៀរឡង់ និងចក្រភពអង់គ្លេស។ កីឡដ្ឋានចំនួន ៨ ផ្សេងទៀតគឺ Wembley, Tottenham Hotspur Stadium, Etihad, Bramley-Moore Dock ថ្មីរបស់ Everton, Villa Park និង St James’ Park នៅអង់គ្លេស ខណៈកីឡដ្ឋាន Hampden Park ស្ថិតក្នុងប្រទេសស្កុតឡែន និងពហុកីឡដ្ឋានជាតិ Cardiff ក្នុងប្រទេសវែលស៍៕

អត្ថបទទាក់ទង

ចក្រភពអង់គ្លេសនិងអៀរឡង់ ត្រៀមទទួលសិទ្ធិធ្វើជាម្ចាស់ផ្ទះព្រឹត្តិការណ៍ EURO 2028

ព្រឹត្តិការណ៍ប្រចាំទ្វីបអឺរ៉ុប UEFA Euro 2024