ប្រទេសអារ៉ាប៊ីសាអ៊ូឌីត ប្រកាសចូលរួមដេញថ្លៃធ្វើជាម្ចាស់ផ្ទះព្រឹត្តិការណ៍ FIFA World Cup 2034

បាល់ទាត់
October 5th, 2023 (1 year)
686 Views
Share

ប្រទេសអារ៉ាប៊ីសាអ៊ូឌីត បានប្រកាសថា ពួកគេនឹងដេញថ្លៃធ្វើជាម្ចាស់ផ្ទះព្រឹត្តិការណ៍ FIFA World Cup 2034 ដែលការប្រកាសនេះធ្វើឡើង បន្ទាប់ពីសហព័ន្ធបាល់ទាត់ពិភពលោក FIFA បានអញ្ជើញប្រទេសមកពីតំបន់អាស៊ី និងអូសេអានី ដើម្បីដាក់សំណើដេញថ្លៃ។

សមាគមបាល់ទាត់អារ៉ាប៊ីសាអ៊ូឌីត Saudi FA បាននិយាយថា៖ “ពួកគេនឹងធ្វើការដេញថ្លៃសម្រាប់ការធ្វើជាម្ចាស់បាល់ទាត់ពិភពលោកឆ្នាំ២០៣៤ ដោយមានបំណងផ្តល់នូវការប្រកួតលំដាប់ពិភពលោក ហើយនឹងទាក់ទាញការបំផុសគំនិតពីការផ្លាស់ប្តូរសង្គម និងសេដ្ឋកិច្ចដែលកំពុងបន្តយ៉ាងរលូនរបស់ប្រទេសអារ៉ាប៊ីសាអ៊ូឌីត។”

សម្រាប់ការដេញថ្លៃធ្វើជាម្ចាស់ផ្ទះ FIFA World Cup 2034 នេះដែរ ប្រទេសអារ៉ាប៊ីសាអ៊ូឌីត ចង់បង្ហាញពីភាពរីកចម្រើនរបស់ប្រទេសខ្លួននៅក្នុងវិស័យបាល់ទាត់ ដើម្បីធ្វើជាម្ចាស់ផ្ទះព្រឹត្តិការណ៍ លំដាប់ពិភពលោក និងផែនការក្នុងការស្វាគមន៍អ្នកគាំទ្រជុំវិញពិភពលោកទៅកាន់ការប្រកួត FIFA Club World Cup ឆ្នាំ ២០២៣ និង AFC Asian Cup ឆ្នាំ ២០២៧។

ការប្រកាសរបស់អារ៉ាប៊ីសាអ៊ូឌីតបានកើតឡើងភ្លាមៗ បន្ទាប់ពី FIFA បានដាក់ឈ្មោះប្រទេសម៉ារ៉ុក អេស្ប៉ាញ និងព័រទុយហ្គាល់ធ្វើជាម្ចាស់ផ្ទះ World Cup ឆ្នាំ ២០៣០ ដោយមានប្រទេស អ៊ុយរុយហ្គាយ អាហ្សង់ទីន និងប៉ារ៉ាហ្គាយធ្វើជាម្ចាស់ផ្ទះការប្រកួតបើកឆាក ដើម្បីរំឭកខួប១០០ឆ្នាំនៃការបង្កើតការប្រកួតបាល់ទាត់ពិភពលោកនេះ។

ដោយឡែក សម្រាប់ការប្រកួតបាល់ទាត់ពិភពលោក FIFA World Cup ឆ្នាំ ២០២៦ នាពេលខាងមុខ នឹងមានការប្រើប្រាស់ទម្រង់ថ្មីដែលនឹងមានក្រុមចូលរួមប្រកួតប្រជែងចំនួន ៤៨ ក្រុម ដោយមានសហម្ចាស់ផ្ទះចំនួន ៣ រៀបចំការប្រកួតនេះគឺ សហរដ្ឋអាមេរិក កាណាដា និងម៉ិកស៊ិក៕

អត្ថបទទាក់ទង

ប្រទេសអារ៉ាប៊ីសាអ៊ូឌីត ប្រកាសចូលរួមដេញថ្លៃធ្វើជាម្ចាស់ផ្ទះព្រឹត្តិការណ៍ FIFA World Cup 2034

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស