កីឡាករ PSG ចំនូន៤នាក់ ត្រូវបានព្យួរឈ្មោះព្រោះការស្រែកច្រៀងបំពានអ្នកស្រលាញ់ភេទដូចគ្នា

បាល់ទាត់
October 9th, 2023 (1 year)
1262 Views
Share

កីឡាករ Paris Saint Germain ចំនួន៤រូប ត្រូវបានព្យួរឈ្មោះ សម្រាប់ការស្រែកច្រៀងដោយប្រើពាក្យប្រមាថលើការស្រលាញ់ភេទដូចគ្នា។ នេះបើតាមការប្រកាសពីសមាគមកីឡាករបាល់ទាត់អាជីពបារាំង IFL។

កីឡាករទាំង៤រូបដែលត្រូវព្យួរឈ្មោះមាន Randal Kolo Muani, Ousmane Dembele, Achraf Hakimi និង Layvin Kurzawa ត្រូវបានព្យួរពីក្រុមចំនួន ១ប្រកួត សម្រាប់ការស្រែកច្រៀងដោយប្រើពាក្យប្រមាថលើការស្រលាញ់ភេទដូចគ្នា ជាមួយក្រុមអ្នកគាំទ្រ អំឡុងការប្រកួតក្នុងក្របខណ្ឌ Ligue 1។

រឿងហេតុកើតឡើងអំឡុងការប្រកួតក្របខណ្ឌ Ligue 1 រវាង PSG ទល់នឹងក្រុម Olympique de Marseille នាកីឡដ្ឋាន Parc des Princes។

អ្នកគាំទ្រត្រូវបានឮថា បានស្រែកច្រៀងអបអរជ័យជម្នះដោយប្រើពាក្យលាយឡំនឹងការរើសអើងលើការស្រលាញ់ភេទដូចគ្នា ទៅកាន់ក្រុម Marseille ហើយហេតុការណ៍នោះក៏ត្រូវបានគេរាយការណ៍ថា ក៏មានកីឡាករស្ថិតក្នុងនោះផងដែរ។

ក្នុងនោះដែរ ស្ថាប័ន IFL បានសម្រេចព្យួរទីតាំងឈរក្នុងកីឡដ្ឋានដែលមានឈ្មោះថា Auteuil នៅក្នុងកីឡដ្ឋាន Parc des Princes សម្រាប់ ២ប្រកួតផងដែរ។

ក្រោយរងការពិន័យ ក៏ដូចជាការព្យួរពីសំណាក់ IFL ក្លិប PSG ក៏បានបង្ហាញក្តីសោកស្តាយចំពោះរឿងហេតុដែលកើតឡើង។

ក្លិប PSG បានចេញសេចក្តីថ្លែងការណ៍ថា៖ “ក្លិបពិតជាសោកស្តាយដែលគណៈកម្មាការវិន័យបានជ្រើសរើសវិធានការហួសហេតុ និងជាសមូហភាព ដែលទំនងជាធ្វើឱ្យប៉ះពាល់ដល់ការងារកិច្ចសន្ទនា និងការទប់ស្កាត់ដែលធ្វើឡើងដោយក្លិបជាមួយនឹងសមាគម ស្ថាប័ន និងអ្នកគាំទ្រ។”

ទន្ទឹមនឹងនេះដែរ ក្លិប PSG បានអះអាងថានឹងមិនដាក់ពាក្យប្តឹងឧទ្ធរណ៍ឡើយ ចំពោះការសម្រេចរបស់សមាគមកីឡាករបាល់ទាត់អាជីពបារាំង ៕

អត្ថបទទាក់ទង

កីឡាករ PSG ចំនូន៤នាក់ ត្រូវបានព្យួរឈ្មោះព្រោះការស្រែកច្រៀងបំពានអ្នកស្រលាញ់ភេទដូចគ្នា

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស