pinuppinup casinomostbet1 win1win kzmostbetpinup4r betpinup india1 winmostbet casinopinup indiapin uplucky jet crashparimatchmostbet1 win azmost betlucky jetmostbet lucky jet1 win casinomostbet onlinemostbet casino1 win online1winlucky jet casinopin up kzmostbet kz1 winmosbet1 win casinomostbet azmosbet casino1 win aviatorlucky jet casinomostbet az casinopin up 7771 win gameaviator4rabet1win yüklə1win slots1 вин авиаторmosbet aviatorpin up bettingmostbet indiapinap4x betparimatch1win aviator4rabet casino
×

អតីតប្រធាន FIFA រិះគន់ការរៀបចំ World Cup 2030 នៅប្រទេសចំនួន ៦ផ្សេងគ្នា

អតីតប្រធានសហព័ន្ធបាល់ទាត់ពិភពលោក FIFA លោក Sepp Blatter បានរិះគន់ចំពោះការសម្រេចចិត្ត ក្នុងការរៀបចំការប្រកួត World Cup ឆ្នាំ ២០៣០ នៅប្រទេសចំនួន ៦ផ្សេងគ្នាដែលមកពីទ្វីបចំនួន៣។

បើតាមការប្រកាសដ៏ភ្ញាក់ផ្អើលពីសំណាក់ FIFA ប្រទេសអេស្ប៉ាញ, ព័រទុយហ្គាល់ និងម៉ារ៉ុក ត្រូវបានក្លាយជាប្រទេសដែលត្រូវបានជ្រើសរើសសម្រាប់ការរៀបចំព្រឹត្តិការណ៍ World Cup 2030 ខណៈដែលប្រទេសអ៊ុយរុយហ្គាយ, ប៉ារ៉ាហ្កាយ និងអាហ្សង់ទីន នឹងរៀបចំការប្រកួតបើកឆាកចំនួន ៣ប្រកួត ដើម្បីអបអរដល់ការគម្រប់ខួប ១០០ឆ្នាំ នៃព្រឹត្តិការណ៍បាល់ទាត់ពិភពលោក។

ការសម្រេចចិត្តនេះបានរងការរិះគន់ពីសំណាក់លោក Sepp Blatter អតីតប្រធាន FIFA ដែលធ្លាប់ដឹកនាំ ពីឆ្នាំ ១៩៩៨ ដល់ឆ្នាំ ២០១៥ មុនពេលត្រូវបានដកចេញពីតំណែងក្រោយពេលមានការការស៊ើបអង្កេតលើបញ្ហាអំពើពុករលួយ។

លោក Blatter បាននិយាយថា៖ “វាជារឿងមិនទំនង ក្នុងការបំបែកការប្រកួតរបៀបនេះ។ ការប្រកួតជុំផ្តាច់ព្រ័ត្រ World Cup ត្រូវតែជាព្រឹត្តិការណ៍ដែលធ្វើរួមនៅតំបន់តែមួយ។ សម្រាប់ហេតុផលប្រវត្តិសាស្ត្រ World Cup 2030 អាចត្រូវធ្វើឡើងនៅទ្វីបអាមេរិកខាងត្បូងតែម្តង។”

បុរសវ័យ ៨៧ឆ្នាំ ដែលធ្លាប់ជាឥស្សរជនដ៏មានឥទ្ធិពលបំផុតរបស់កីឡាបាល់ទាត់ ធ្លាប់បានរិះគន់ FIFA សម្រាប់ផ្តល់ការប្រកួតពានរង្វាន់លំដាប់ពិភពលោកក្នុងឆ្នាំ ២០២២ ទៅកាន់ប្រទេសកាតា ដោយនិយាយថាប្រទេសមជ្ឈិមបូព៌ាមួយនេះគឺតូចពេកសម្រាប់ធ្វើជាទីកន្លែងប្រកួត។

លោក Blatter បានអះអាងទៀតថា ការប្រកួត World Cup ឆ្នាំ ២០៣០ គួរតែធ្វើឡើងនៅក្នុងទ្វីបអាមេរិកខាងត្បូងតែម្តងដើម្បីគម្រប់ខួប ១០០ឆ្នាំ នៃការបង្កើតការប្រកួតបាល់ទាត់ពិភពលោកលើកដំបូង ដែលធ្វើឡើងនៅក្នុងប្រទេសអ៊ុយរុយហ្គាយ៕

អ្នកអាចចែករំលែកដោយ៖

អត្ថបទទាក់ទង