ខ្សែបម្រើ Nicolo Fagioli របស់ Juventus ត្រូវជាប់បម្រាមដោយសារពាក់ព័ន្ធល្បែងភ្នាល់

បាល់ទាត់
October 18th, 2023 (1 year)
571 Views
Share

សហព័ន្ធបាល់ទាត់អ៊ីតាលី FIGC បាននិយាយកាលពីពេលថ្មីៗនេះថា ខ្សែបម្រើ Nicolo Fagioli របស់ Juventus ត្រូវបានដាក់បម្រាម បន្ទាប់ពីរូបគេត្រូវបានរកឃើញថា បានបំពានច្បាប់ និងពាក់ព័ន្ធការភ្នាល់ទៅលើលទ្ធផលនៃការប្រកួត។

កីឡាករវ័យ២២ឆ្នាំ ត្រូវបានផ្តល់ការហាមឃាត់រយៈពេល ១២ ខែដែលក្នុងនោះ ៥ ខែត្រូវបានផ្អាក និងត្រូវពិន័យជាទឹកប្រាក់ចំនួន ១២៥០០០ អឺរ៉ូ ផងដែរ។ សម្រាប់សាមីកីឡាករ ក៏បានយល់ព្រមចំពោះទណ្ឌកម្ម ហើយរូបគេត្រូវចូលរួមកម្មវិធីដោះស្រាយបញ្ហាញៀនល្បែងស៊ីសងផងដែរ។

Nicolo Fagioli ត្រូវបានដាក់អោយស្ថិតនៅក្រោមការស៊ើបអង្កេតដោយព្រះរាជអាជ្ញានៅទីក្រុង Turin ពីបទភ្នាល់នៅលើគេហទំព័រខុសច្បាប់។

នៅក្រោមច្បាប់របស់ FIGC កីឡាករបាល់ទាត់អាជីពរូបណាដែលត្រូវបានរកឃើញថា បានពាក់ព័ន្ធល្បែងភ្នាល់លើការប្រកួតបាល់ទាត់ នោះកីឡាករអាចត្រូវបានហាមឃាត់យ៉ាងហោចណាស់ ៣ ឆ្នាំ ប៉ុន្តែចំពោះ Fagioli ត្រូវបានសម្រាលទោស បន្ទាប់ពីរូបគេបានសារភាពកំហុសរបស់ខ្លួនចំពោះអាជ្ញាធរ។

ជាផ្នែកមួយនៃការដាក់ទណ្ឌកម្ម Nicolo Fagioli នឹងត្រូវនិយាយអំពីបទពិសោធរបស់ខ្លួនយ៉ាងហោចណាស់ ១០ វគ្គជាមួយអង្គការកីឡាស្ម័គ្រចិត្ត និងជាមួយក្រុមដែលជួយអ្នកញៀនល្បែងស៊ីសងផងដែរ។

Fagioli បានបង្ហាញខ្លួនមួយដងឱ្យក្រុមជម្រើសជាតិអ៊ីតាលី ប៉ុន្តែរូបគេមិនមានឈ្មោះនៅក្នុងក្រុមសម្រាប់ការប្រកួតអន្តរជាតិនាពេលបច្ចុប្បន្ននោះទេ៕

អត្ថបទទាក់ទង

ខ្សែបម្រើ Nicolo Fagioli របស់ Juventus ត្រូវជាប់បម្រាមដោយសារពាក់ព័ន្ធល្បែងភ្នាល់

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស