លោក Jose Mourinho ទំនងចាកចេញពី AS Roma នៅចុងបញ្ចប់រដូវកាលនេះ

បាល់ទាត់
October 19th, 2023 (2 years)
1051 Views
Share

គ្រូបង្វឹក AS Roma លោក Jose Mourinho ត្រូវបានគេរាយការណ៍ថានឹងចាកចេញពីក្លិបដែលលេងនៅលីគបាល់ទាត់កំពូលអ៊ីតាលី នៅចុងបញ្ចប់រដូវកាលនេះ។

ជាក់ស្តែង អតីតគ្រូបង្វឹក Chelsea, Manchester United និង Tottenham Hotspur រូបនេះ កំពុងស្ថិតក្នុងឆ្នាំចុងក្រោយនៃកិច្ចសន្យារបស់ខ្លួនជាមួយ Roma ដែលបច្ចុប្បន្នកំពុងស្ថិតនៅក្នុងស្ថានភាពដ៏លំបាក។

បើទោះបីជាបាននាំចូលជម្រើសកីឡាករថ្មីៗជាច្រើនក៏ដោយ ក៏ក្រុមជើងឯករង UEFA Europa League ទើបតែឈ្នះបាន ៥ ប្រកួតប៉ុណ្ណោះក្នុងចំណោម ១០ ប្រកួតដំបូង នៅក្នុងក្របខណ្ឌ Serie A រដូវកាលនេះ ។

ការចាប់ផ្តើមមិនសូវល្អរបស់ Roma បាននាំឱ្យមានការលើកឡើងថា មុខតំណែងរបស់លោក Mourinho កំពុងស្ថិតនៅភាពមិនច្បាស់លាស់ ប្រសិនបើក្រុមរបស់លោកចាញ់ក្រុម Cagliari មុនពេល International Break ប៉ុន្តែនៅក្រោយការប្រកួតនោះពួកគេ បែរជាអាចទទួលជ័យជម្នះដោយលទ្ធផល ៤–១ ។

នៅពេលដែលត្រូវបានចោទសួរអំពីលទ្ធភាពដែលលោក Mourinho អាចចេញពីទឹកដី Stadio Olimpico នោះ មានការរាយការណ៍អោយដឹងថា ឱកាសបន្តការងាររបស់គ្រូបង្វឹកសញ្ជាតិព័រទុយហ្គាល់ នឹងត្រូវបញ្ចប់ នៅចុងរដូវកាលនេះហើយ ចំពេលមានទំនាក់ទំនងជាមួយនឹងការផ្លាស់ប្តូរទៅកាន់ប្រទេសអារ៉ាប៊ីសាអ៊ូឌីត។

កាលពីរដូវក្តៅមុន លោក Jose Mourinho ត្រូវបានទទួលការចាប់អារម្មណ៍ និង ទាក់ទងពីក្លិប Al Hilal ផងដែរ ប៉ុន្តែក៏ត្រូវបានលោក Mourinho បដិសេធ។ យ៉ាងណាក៏ដោយ ក្លិបនៅក្របខណ្ឌ Saudi Pro League ត្រូវបានរំពឹងថា នឹងត្រៀមដាក់សំណើជាថ្មីម្តងទៀតទៅកាន់លោក Jose Mourinho ជាមួយកិច្ចសន្យារយៈពេល២ឆ្នាំ ដោយនឹងទទួលបានប្រាក់ឈ្នួលប្រមាណ ១០៤លានអឺរ៉ូ៕

អត្ថបទទាក់ទង

លោក Jose Mourinho ទំនងចាកចេញពី AS Roma នៅចុងបញ្ចប់រដូវកាលនេះ

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស