Deco បង្ហើបគម្រោងរៀបចំការប្រកួតលាគ្នាសម្រាប់ Lionel Messi នៅ Barcelona

បាល់ទាត់
October 23rd, 2023 (11 months)
327 Views
Share

លោក Deco នាយកផ្នែកកីឡារបស់ក្លិប Barcelona បានបង្ហើបថា ក្លិបអ្នកមានបុណ្យមានបំណងរៀបចំការប្រកួតលាគ្នា សម្រាប់ Lionel Messi ។

Messi គឺជាកីឡាករបាល់ទាត់ដ៏អស្ចារ្យបំផុតសម្រាប់ Barcelona ដោយបានក្លាយជាអ្នកស៊ុតបញ្ចូលទីច្រើនជាងគេគ្រប់ពេលរបស់ក្លិប ជាមួយនឹង ៦៧២គ្រាប់ និងបង្ហាញខ្លួនច្រើនជាងគេ ៧៧៨លើកនៅគ្រប់កម្មវិធីប្រកួតទាំងអស់ ក្នុងអំឡុងពេល ១៧ ឆ្នាំរបស់គាត់នៅក្រុម Barcelona ។

ក្លិបបានអនុញ្ញាតឱ្យកីឡាកររូបនេះ ចាកចេញនៅឆ្នាំ២០២១ ដោយសារបញ្ហាហិរញ្ញវត្ថុ ដោយ Messi នឹងបន្តចំណាយពេលពីររដូវកាលនៅក្លិប Paris Saint-Germain បន្ទាប់ពីគាត់ចាកចេញ។

នៅពេលចប់កិច្ចសន្យារយៈពេល ២ឆ្នាំរបស់គាត់នៅក្លិប Ligue 1 ក្រុមអ្នកមានបុណ្យ Barcelona បានព្យាយាមចុះហត្ថលេខាជាមួយ Messi ម្តងទៀត ប៉ុន្តែមិនអាចធ្វើបានទេ ដោយសារបញ្ហាហិរញ្ញវត្ថុ។ ដូច្នេះ Messi បានផ្លាស់ប្តូរទៅក្រុម Inter Miami ជំនួសវិញ ដោយស៊ុតបញ្ចូលទីបាន ១១ គ្រាប់សម្រាប់ក្លិបថ្មីរបស់គាត់នៅគ្រប់កម្មវិធីប្រកួតទាំងអស់ នៅក្នុងរដូវកាលដំបូង។

ពាក្យចចាមអារ៉ាមជុំវិញការវិលត្រឡប់ទៅកាន់ទ្វីបអឺរ៉ុបរបស់ Messi បានកើតឡើង ដោយ Barca គឺជាគោលដៅ។ ខ្សែប្រយុទ្ធជើងចាស់រូបនេះ បានច្រានចោលពាក្យចចាមអារ៉ាមទាំងនេះ។ ប៉ុន្តែលោក Deco នាយកផ្នែកកីឡារបស់ Barcelona បានបង្ហាញថា អ្នកគាំទ្រអាចរំពឹងថានឹងឃើញ Messi ត្រលប់មកក្លិបវិញក្នុងពេលឆាប់ៗនេះ។

លោកថា៖ ““ខ្ញុំគិតថានឹងមានការប្រកួតលាគ្នា ប៉ុន្តែប្រហែលជានៅក្នុងកីឡដ្ឋានថ្មីនៅពេលដែលវាធ្វើរួចរាល់។ គាត់ជាអាយដូល ដ៏អស្ចារ្យបំផុតក្នុងប្រវត្តិសាស្ត្រក្លិប។ ក្លិបនេះមានតារាល្បីៗដូចជា Cruyff និង Ronaldino ប៉ុន្តែគាត់ប្រហែលជាអស្ចារ្យជាងគេ។”

Barcelona រំពឹងថានឹងទៅលេងនៅកីឡដ្ឋាន Camp Nou ម្តងទៀតក្នុងខែវិច្ឆិកា ឆ្នាំ២០២៤ ដោយការជួសជុលបានចាប់ផ្តើម៕

អត្ថបទទាក់ទង

Deco បង្ហើបគម្រោងរៀបចំការប្រកួតលាគ្នាសម្រាប់ Lionel Messi នៅ Barcelona

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស