ការប្រកួតលីគអ៊ុយក្រែនមួយ ក្លាយជាការប្រកួតដ៏យូរបំផុតក្នុងប្រវត្តិសាស្ត្រ ដោយសារការព្រមានវាយប្រហារតាមផ្លូវអាកាស

បាល់ទាត់
November 8th, 2023 (1 year)
687 Views
Share

ក្រុមមកពីក្របខណ្ឌកំពូលរបស់អ៊ុយក្រែន Dnipro និង FC Oleksandriya បានធ្វើការប្រកួតយូរបំផុតក្នុងប្រវត្តិសាស្ត្រលីគ បន្ទាប់ពីការប្រកួតនេះ បានអូសបន្លាយពេលរហូតដល់ ៤ ម៉ោងនិង ៣៦ នាទី បន្ទាប់ពីការចាប់ផ្តើមដោយសារការព្រមានពីការវាយប្រហារតាមផ្លូវអាកាសជាច្រើនដង។

ការប្រកួតកាលពីល្ងាចថ្ងៃចន្ទ ដែលប្រកួតនៅកីឡដ្ឋាន Dnipro Arena ក្នុងទីក្រុង Dnipro ភាគខាងកើតប្រទេសអ៊ុយក្រែន បានចាប់ផ្ដើមយឺត ១៥ នាទី ដោយសារតែស៊ីរ៉ែនព្រមានពីការវាយប្រហារតាមផ្លូវអាកាស។ ក្រុមម្ចាស់ផ្ទះ បាននាំមុខនៅនាទីទី៣៤ ប៉ុន្តែកីឡាករត្រូវបានដើរចេញពីទីលានម្តងទៀត នៅដើមវគ្គទីពីរ។

Oleksandriya ស៊ុតបញ្ចូលទីភ្លាមៗបន្ទាប់ពីការចាប់ផ្តើមឡើងវិញ ដោយវាត្រូវបានពិនិត្យដោយ VAR បន្ទាប់ពីការពន្យារពេលមួយម៉ោងដែលបណ្តាលមកពីស៊ីរ៉ែនមួយផ្សេងទៀត។ ដោយនៅសល់មួយនាទីនៃម៉ោងធម្មតា ការប្រកួតត្រូវបានពន្យារពេលមួយម៉ោងកន្លះទៀត បន្ទាប់ពីមានការព្រមានពីការវាយប្រហារតាមផ្លូវអាកាសមួយលើកបន្ថែមទៀត។

ការទទួលជ័យជម្នះ ១-០ ក្នុងការប្រកួតដែលចាប់ផ្តើមនៅម៉ោង ១៧:១៥ ម៉ោងក្នុងស្រុក និងបានបញ្ចប់ទៅជិតម៉ោង ២២:០០ ធ្វើឱ្យ Dnipro ស្ថិតក្នុងចំណាត់ថ្នាក់លេខ២ ក្នុងក្របខណ្ឌលីគកំពូលអ៊ុយក្រែន។ អ្នកនាំពាក្យនៃក្របខណ្ឌនេះ បានឱ្យដឹងថា វាគឺជាការប្រកួតដ៏យូរបំផុតក្នុងប្រវត្តិសាស្ត្រ។ “ការប្រកួតមានរយៈពេល ៤ ម៉ោង ៣៦ នាទី នេះគឺជាកំណត់ត្រាថ្មីមួយ។ ការប្រកួតវែងបំផុតកាលពីរដូវកាលមុនគឺការប្រកួតកាលពីរដូវកាលមុនរវាង FC Rukh និង FC Metalist ដែលមានរយៈពេល ៤ ម៉ោង ២៧ នាទី សម្រាប់ហេតុផលគឺដូចគ្នា ដោយសារស៊ីរ៉ែនវាយប្រហារតាមផ្លូវអាកាស។”

ក្រុម Dnipro បានត្រលប់មកលេងក្នុងដីរបស់ពួកគេវិញ នៅកីឡដ្ឋាន Dnipro Arena ក្នុងខែកញ្ញា បន្ទាប់ពីផ្លាស់ទៅលេងនៅភាគខាងលិចអ៊ុយក្រែន ដោយសារការលុកលុយរបស់រុស្ស៊ី ក្នុងខែកុម្ភៈ ឆ្នាំ ២០២២៕

អត្ថបទទាក់ទង

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស