pinuppinup casinomostbet1 win1win kzmostbetpinup4r betpinup india1 winmostbet casinopinup indiapin uplucky jet crashparimatchmostbet1 win azmost betlucky jetmostbet lucky jet1 win casinomostbet onlinemostbet casino1 win online1winlucky jet casinopin up kzmostbet kz1 winmosbet1 win casinomostbet azmosbet casino1 win aviatorlucky jet casinomostbet az casinopin up 7771 win gameaviator4rabet1win yüklə1win slots1 вин авиаторmosbet aviatorpin up bettingmostbet indiapinap4x betparimatch1win aviator4rabet casino
×

Lionel Messi ចាត់ទុកអំពើហិង្សាមុនការប្រកួតរវាងប្រេស៊ីលនឹងអាហ្សង់ទីន ជាសោកនាដកម្ម

ខ្សែប្រយុទ្ធ Lionel Messi ចោទប្រកាន់ក្រុមមន្ត្រីប៉ូលិសប្រេស៊ីលពីបទប្រើអំពើហិង្សាដ៏ឃោរឃៅលើអ្នកគាំទ្រអាហ្សង់ទីន និងចាត់ទុកអំពើហិង្សានៅមុនការប្រកួតរវាងប្រេស៊ីលទល់នឹងអាហ្សង់ទីន ក្នុងការប្រកួតជម្រុះ World Cup 2026 តំបន់អាមេរិចខាងត្បូង CONMEBOL ជាសោកនាដកម្មមួយ នៅក្នុងកីឡដ្ឋាន Maracana ប្រទេសប្រេស៊ីល។

រឿងហេតុដំបូង កើតចេញពីបញ្ហារបស់អ្នកគាំទ្រប្រេស៊ីល និងអាហ្សង់ទីន ដោយអ្នកគាំទ្រក្រុមសងខាងបានចាប់ផ្តើមការវាយតប់គ្នានៅត្រង់កន្លែងឈរក្រោយសំណាញ់ទី អំឡុងពេលក្រុមទាំងពីរកំពុងគោរពភ្លេងជាតិរៀងៗខ្លួនមុនប្រកួត។ អំពើហិង្សា បានជំរុញឱ្យប៉ូលិសចូលទៅបញ្ឈប់ រហូតឈានដល់ហិង្សារវាងមន្ត្រីប៉ូលិសជាមួយនឹងក្រុមអ្នកគាំទ្រទៅវិញ។

មន្ត្រីប៉ូលិសប្រដាប់ដោយដំបងដៃ ចូលទៅបំបែក និងបង្រ្កាបអំពើហិង្សា ខណៈដែលអ្នកគាំទ្រអាហ្សង់ទីនមួយចំនួន បានដោះកៅអីអង្គុយគប់សំដៅទៅលើក្រុមប៉ូលិស ហើយភាគច្រើនអ្នកគាំទ្របានព្យាយាមភាសខ្លួនចេញពីកន្លែងកើតហេតុ និងអ្នកគាំទ្រខ្លះបានចូលក្នុងទីលានប្រកួត។

កីឡាករក្រុមទាំងសងខាងមានទាំង ប្រធានក្រុមអាហ្សង់ទីន Lionel Messi និង ប្រធានក្រុមប្រេស៊ីល Marquinhos ក៏បានទៅជួយអន្តរាគមន៍ និងសម្របសម្រួលអំឡុងពេលកើតហេតុ។ ក្រោយកីឡាករក្រុមទាំងសងខាងជួយសម្រួលរួច ក៏បានវិលត្រឡប់ទៅកាន់បន្ទប់ផ្លាស់សម្លៀកបំពាក់។

យ៉ាងណា Messi បានចាត់ទុកអំពើហិង្សារវាងអ្នកគាំទ្រប្រេស៊ីល អាហ្សង់ទីន និងក្រុមមន្ត្រីប៉ូលិស ជារឿងដ៏គួរឱ្យសោកស្តាយ និងជាសោកនាដកម្មមួយក្នុងបាល់ទាត់។ Messi ក៏បានចោទប្រកាន់អំពីអាកប្បកិរិយាដ៏ឃោរឃៅរបស់មន្ត្រីប៉ូលិសថែមទៀត។

ទាក់ទិននឹងរឿងនេះ Messi បាននិយាយប្រាប់ថា៖ “វាពិតជាអាក្រក់ ព្រោះក្រុមប៉ូលិសបានវាយលើអ្នកគាំទ្រ។ ដូចដែលវាបានកើតឡើងរួចហើយនៅក្នុងការប្រកួតផ្តាច់ព្រ័ត្រ Libertadores ជាថ្មីម្តងទៀតត្រូវបានបង្រ្កាបមនុស្សដោយដំបង ហើយថែមទាំងលាយឡំជាមួយនឹងក្រុមគ្រួសាររបស់កីឡាករមួយចំនួនស្ថិតនៅទីនោះ។ យើងបានវិលត្រឡប់ទៅបន្ទប់ផ្លាស់សម្លៀកបំពាក់ ព្រោះវាជាវិធីដ៏ល្អដែលធ្វើឱ្យគ្រប់គ្នាស្ងប់ចិត្ត តែវាប្រៀបបានទៅនឹងសោកនាដកម្មមួយរួចទៅហើយ។”

ទោះជាមានបញ្ហាកើតឡើងក្តី ប៉ុន្តែការប្រកួតរវាងក្រុមទាំង២ក៏បានបញ្ចប់ដោយលទ្ធផល ១-០ ដែលក្រុមប្រេស៊ីល ចាញ់ការប្រកួតជាលើកទី៣ ជាប់គ្នាក្នុងវគ្គជម្រុះ World Cup 2026 ហើយអាហ្សង់ទីនឈ្នះការប្រកួតឡើងវិញ ក្រោយចាញ់ក្រុមអ៊ុយរុយហ្គាយ ២-០ កាលពីសប្តាហ៍មុន៕

អ្នកអាចចែករំលែកដោយ៖

អត្ថបទទាក់ទង