ធឿន ធារ៉ា នឹងមានវត្តមានសម្រាប់ក្រុមគុនខ្មែរក្នុងការប្រកួតបាល់ទាត់ទល់នឹងក្រុមផ្ការីកគ្រប់រដូវ ស្អែកនេះ

គុនខ្មែរ, បាល់ទាត់
December 21st, 2023 (1 year)
998 Views
Share

មួយរយៈចុងក្រោយនេះ មានការចាប់អារម្មណ៍ខ្លាំងទៅលើអ្នកលេងពូថៅដៃ ធឿន ធារ៉ា ត្រូវបានផ្គូផ្គងជាមួយកីឡាករ Ricard Bravo ឱ្យប្រកួតគ្នាលើសង្វៀនគុនខ្មែរ តែទោះជាយ៉ាងណាមកទល់ពេលនេះ ការប្រកួតរបស់ភាគីទាំងពីរ ទំនងជាមិនអាចកើតឡើងបាននៅឡើយ។

ខណៈកំពុងមានការឆ្លើយឆ្លងគ្នាទៅវិញទៅមកនៅលើបណ្ដាញសង្គមរវាង ធារ៉ា និង Bravo បងប្អូនអ្នកស្នេហាគុនខ្មែរ កំពុងរង់ចាំមើលការបញ្ចេញសមត្ថភាពរបស់ ធារ៉ា នៅលើទីលានវាលស្មៅវិញម្ដង ដោយធារ៉ាគឺជាសមាជិកនៃក្រុមបាល់ទាត់គុនខ្មែរ ដែលនឹងត្រូវប្រកួតទល់នឹងក្រុមបាល់ទាត់ផ្ការីកគ្រប់រដូវ ដែលដឹកនាំដោយនាយ ពែកមី ក្នុងជំនួបមិត្តភាពសប្បុរសធម៌ដ៏ធំមួយ នៅពហុកីឡដ្ឋានជាតិអូឡាំពិក នាថ្ងៃសុក្រ ទី២២ ខែធ្នូ ចាប់ពីម៉ោង ៦ល្ងាចតទៅ។

ការប្រកួតដ៏ពិសេសមួយនេះ នឹងមានផ្សាយផ្ទាល់នៅលើកញ្ចក់ទូរទស្សន៍ CTN និងទំព័រហ្វេសប៊ុក CBS Sports ផងដែរ។ ដូច្នេះ អ្នកគាំទ្រ ធឿន ធារ៉ា ក៏ដូចជាអ្នកលេងគុនខ្មែរ និងបុគ្គលិកល្បីៗក្នុងវិស័យនេះ អាចចូលរួមទស្សនាដោយសេរី នៅពហុកីឡដ្ឋានជាតិអូឡាំពិក៕

អត្ថបទទាក់ទង

ធឿន ធារ៉ា នឹងមានវត្តមានសម្រាប់ក្រុមគុនខ្មែរក្នុងការប្រកួតបាល់ទាត់ទល់នឹងក្រុមផ្ការីកគ្រប់រដូវ ស្អែកនេះ

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស