Barcelona គ្រោងដាក់សំណើខ្ចីជើងជាលើកទី២សម្រាប់ខ្សែប្រយុទ្ធ Joao Felix

បាល់ទាត់
December 26th, 2023 (1 year)
497 Views
Share

មានការរាយការណ៍មកថា ក្លិប Barcelona កំពុងពិចារណាលើកិច្ចព្រមព្រៀងជាមួយក្លិប Atletico Madrid ដើម្បីបន្តកិច្ចសន្យាខ្ចីជើងបន្ថែមទៀត សម្រាប់ខ្សែប្រយុទ្ធ Joao Felix លើសពីរដូវកាលនេះ។

កីឡាករព័រទុយហ្គាល់វ័យ ២៤ឆ្នាំ បានចូលរួមជាមួយ Barcelona នៅថ្ងៃបិទបញ្ចប់ទីផ្សារដោះដូរកីឡាកររដូវក្តៅ ក្នុងលក្ខខណ្ឌខ្ចីជើងពេញមួយរដូវកាលពី Atletico Madrid បន្ទាប់ពីធ្លាក់ចេញពីការពេញចិត្តក្រោមការដឹកនាំរបស់គ្រូបង្វឹកលោក Diego Simeone ។

យ៉ាងណាមិញ Joao Felix បានបង្ហាញពីភាពលេចធ្លោ និងទម្រង់លេងយ៉ាងល្អ ជាមួយ សម្រាប់ក្រុមការពារតំណែងជើងឯក La Liga ដោយអាចរកបាន ៦គ្រាប់ និង ចែកបាល់ឱ្យមិត្តរួមក្រុមសម្រេចទី ៣លើក ក្នុងការបង្ហាញខ្លួន ២០ លើកនៅរដូវកាលនេះ។

ជាមួយនឹងការពេញចិត្តទៅលើ Joao Felix ឥឡូវនេះ Barcelona បានត្រៀមខ្លួនរួចរាល់ហើយក្នុងការរៀបចំផែនការនិងការចរចា ខ្ចីជើងជាលើកទី២ សម្រាប់ អតីតសមាជិក Benfica ខណៈដែលពួកគេចង់រក្សាទុករូបគេសម្រាប់រដូវកាលមួយផ្សេងទៀត។

បញ្ហាហិរញ្ញវត្ថុបច្ចុប្បន្នរបស់ Barcelona បានធ្វើឱ្យពួកគេហាក់គ្មានលទ្ធភាពក្នុងការទិញផ្តាច់ទាំងសម្រាប់ Joao Felix នោះទេ ដូច្នេះហើយទើប Barcelona ចង់ពិភាក្សាជាមួយ Atletico Madrid ក្នុងការផ្តល់ជូនកិច្ចព្រមព្រៀងខ្ចីជើងមួយរដូវកាលផ្សេងទៀត។

ទោះយ៉ាងណា ក៏មានការរាយការណ៍បន្ថែមដែរថា Atletico Madrid បើកចំហរក្នុងការខ្ចីជើង ជាមួយនឹងតម្លៃប្រាក់កម្ចី ១៥ លានអឺរ៉ូ និងជម្រើសទិញផ្តាច់ជាចាំបាច់ សម្រាប់កិច្ចព្រមព្រៀងបច្ចុប្បន្នប៉ុណ្ណោះ ហើយពួកគេនឹងមិនទទួលយកការបន្តចរចាខ្ចីជើងបន្ថែមណាមួយពី Barcelona នោះឡើយ៕

អត្ថបទទាក់ទង

Barcelona គ្រោងដាក់សំណើខ្ចីជើងជាលើកទី២សម្រាប់ខ្សែប្រយុទ្ធ Joao Felix

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស