កីឡដ្ឋាន MetLife នឹងផ្លាស់ប្តូរកៅអីអង្គុយ ដើម្បីត្រៀមដេញថ្លៃរៀបចំជំនួបផ្តាច់ព្រ័ត្រ FIFA World Cup 2026

បាល់ទាត់
January 10th, 2024 (1 year)
513 Views
Share

កីឡដ្ឋានដ៏ធំនៅអាមេរិក MetLife Stadium គ្រោងផ្លាស់ប្តូរកៅអីអង្គុយចំនួន ១,៧៤០ កៅអី ដើម្បីពង្រីកទីតាំងអង្គុយក្នុងទីលានសម្រាប់ត្រៀមការប្រកួត FIFA World Cup 2026 និងដើម្បីចូលរួមដេញថ្លៃទទួលការប្រកួតវគ្គផ្តាច់ព្រ័ត្រ។

កីឡដ្ឋានដែលស្ថិតក្នុងទីក្រុង Rutherford រដ្ឋ New Jersey កំពុងត្រៀមខ្លួនរៀបចំការប្រកួត FIFA World Cup 2026 ដែលជាការប្រកួតមានកំណែទម្រង់កើនដល់ចំនួន ៤៨ក្រុមជាលើកដំបូង។

កីឡដ្ឋាន MetLife ក៏នឹងត្រូវត្រៀមខ្លួនសម្រាប់ការប្រកួតជុំចុងក្រោយចាប់ពីវគ្គពាក់កណ្តាលផ្តាច់ព្រ័ត្រដូចទៅនឹងកីឡដ្ឋាន AT&T ក្នុងទីក្រុង Arlington រដ្ឋតិចសាស់។

ទោះអាមេរិកធ្វើជាសហម្ចាស់ផ្ទះរួមជាមួយនឹងប្រទេសម៉ិកស៊ិក និងកាណាដា ប៉ុន្តែ សហព័ន្ធបាល់ទាត់ពិភពលោក FIFA នៅមិនទាន់សម្រេចថា កីឡដ្ឋានណាមួយនឹងធ្វើជាទីតាំងរៀបចំការប្រកួតវគ្គផ្តាច់ព្រ័ត្រនៅឡើយ ដ្បិតការប្រកួតក្នុងឆ្នាំ ២០២៦ គឺរៀបចំដោយ FIFA ដោយផ្ទាល់ មិនដូចកាលឆ្នាំ ១៩៩៤ ដែលរៀបចំដោយមន្ត្រីរបស់ម្ចាស់ផ្ទះឡើយ។

MetLife ជាកីឡដ្ឋានដែលបើកដំណើរការតាំងពីឆ្នាំ ២០១០ ដោយវាផ្ទុកមនុស្សបានចំនួន៨៣,៣៦៧នាក់ ជាចំនួនសមស្របតាមស្តង់ដារបស់ការប្រកួតវគ្គផ្តាច់ព្រ័ត្រ World Cup។ កីឡដ្ឋានដែល World Cup តម្រូវសម្រាប់វគ្គផ្តាច់ព្រ័ត្រចាប់ពីចំនួន ៧៤,៨៩៥នាក់ ឡើងទៅ។

គម្រោងផ្លាស់ប្តូរកៅអីអង្គុយកីឡដ្ឋាន MetLife នេះដែរ គឺដើម្បីធ្វើឱ្យសមស្របទៅតាមស្តង់ដាដែល FIFA បានកំណត់ទុក។ ការកែលម្អឡើងវិញនៅក្នុងកីឡដ្ឋាន MetLife នឹងត្រូវធ្វើឡើងក្រោយពេលការរៀបចំការប្រកួតពានរង្វាន់ Copa America 2024 រួចរាល់៕

អត្ថបទទាក់ទង

កីឡដ្ឋាន MetLife នឹងផ្លាស់ប្តូរកៅអីអង្គុយ ដើម្បីត្រៀមដេញថ្លៃរៀបចំជំនួបផ្តាច់ព្រ័ត្រ FIFA World Cup 2026

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស