Bayern Munich ទិញបានខ្សែការពារ Sacha Boey ពី Galatasaray រហូតដល់ឆ្នាំ២០២៨

បាល់ទាត់
January 29th, 2024 (12 months)
555 Views
Share

ក្លិបបាល់ទាត់អាល្លឺម៉ង់ Bayern Munich បានចុះកុងត្រានាំយកខ្សែការពារ Sacha Boey ពីក្លិបតួកគី Galatasaray រហូតដល់ឆ្នាំ២០២៨។ នេះបើតាមការប្រកាសពីក្លិបទាំង២កាលពីពេលថ្មីៗនេះ។

កីឡាករបារាំង វ័យ២៣ឆ្នាំ បានចូលរួមជាមួយ Galatasaray ដោយផ្ទេរពីក្លិបបារាំង Stade Rennais លើកិច្ចសន្យារយៈពេល៤ឆ្នាំ កាលពីឆ្នាំ២០២១។ ចំពោះតម្លៃនៃកិច្ចកុងត្រាមិនត្រូវបានបង្ហាញជាលម្អិតនោះទេ ប៉ុន្តែសារព័ត៌មាននៅអាល្លឺម៉ង់បានរាយការណ៍ថា វាអាចមានតម្លៃប្រមាណ ៣០លានអឺរ៉ូ។

Bayern Munich កំពុងជួបប្រទះបញ្ហា ដោយកីឡាករខ្សែការពារសំខាន់ៗជាច្រើនបានរងរបួសដូចជា Dayot Upamecano និង Konrad Laimer ជាដើម ដែលធ្វើឱ្យពួកគេត្រូវស្ថិតនៅក្រៅទីលាន ជាច្រើនសប្តាហ៍។

កីឡាករផ្សេងទៀតក៏កំពុងអវត្តមានដែរ ដូចជា Joshua Kimmich និង Bouna Sarr មានរបួស ខណៈ ខ្សែការពារ Kim Min-jae និង Noussair Mazraoui ត្រូវជាប់ភារកិច្ចជាមួយក្រុមជម្រើសជាតិរៀងៗខ្លួន។

សូមបញ្ជាក់ថា Bayern Munich បច្ចុប្បន្នកំពុងស្ថិតនៅចំណាត់ថ្នាក់លេខ២ នៅក្នុងក្របខណ្ឌ Bundesliga ដោយមាន ៤៧ពិន្ទុ ពីក្រោមក្រុមកំពូលតារាង Bayer Leverkusen ចំនួន២ពិន្ទុ៕

អត្ថបទទាក់ទង

Bayern Munich ទិញបានខ្សែការពារ Sacha Boey ពី Galatasaray រហូតដល់ឆ្នាំ២០២៨

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស