អ្នកវាយកូនបាល់ Alexander Bublik យកបានតំណែងជើងឯកកម្មវិធី Open Sud de France 2024

កីឡាចម្រុះ
February 5th, 2024 (1 year)
539 Views
Share

ការប្រកួតវាយកូនបាល់កម្រិត ATP Tour 250 កម្មវិធី Open Sud de France 2024 បានបញ្ចប់រួចរាល់ហើយ ក្រោយពីបានដំណើរការរយៈពេល១សប្តាហ៍កន្លងមក នាទីក្រុង Montpellier ប្រទេសបារាំង។

នៅក្នុងនោះ គេក៏បានរកឃើញអ្នកឈ្នះជើងឯកនៃកម្មវិធីផងដែរ នោះគឺកីឡាករ កាហ្សាក់ស្ថាន Alexander Bublik បន្ទាប់ពីរូបគេបានយកឈ្នះទៅលើកីឡាករក្រូអាត Borna Ćorić នៅក្នុងការប្រកួតវគ្គផ្តាច់ព្រ័ត្រ កាលពីថ្ងៃអាទិត្យ តាមរយៈលទ្ធផល 5-7 6-2 និង 6-3។

នេះគឺជាលើកទី២ហើយដែលកីឡាករ វ័យ២៦ឆ្នាំបានឈ្នះជើងឯកកម្មវិធី Open Sud de France បន្ទាប់ពីរូបគេធ្លាប់បានឈ្នះកាលពីឆ្នាំ ២០២២ រួចមក។

សម្រាប់ជ័យជំនះនេះដែរ បានធ្វើអោយ Alexander Bublik រំកិលឡើងមកកាន់ចំណាត់ថ្នាក់ជាកីឡាករវាយកូនបាល់លំដាប់លេង ២៣ពិភពលោក នៅពេលដែលតារាងចំណាត់ថ្នាក់នឹងធ្វើការផ្លាស់ប្តូរនៅថ្ងៃចន្ទនេះ។

សូមបញ្ជាក់ថា កម្មវិធី Open Sud de France 2024 គឺជាការដំណើរការលើកទី ៣៧នៅក្នុងប្រវត្តិសាស្ត្ររបស់ខ្លួន ដោយក្នុងនោះប្រាក់រង្វាន់នៃកម្មវិធី មានប្រមាណ ៦២ម៉ឺនដុល្លារអាមេរិក៕

អត្ថបទទាក់ទង

អ្នកវាយកូនបាល់ Alexander Bublik យកបានតំណែងជើងឯកកម្មវិធី Open Sud de France 2024

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស