×

ចាន់ វឌ្ឍនាកា ទំនងនឹងអាចបំបែកកំណត់ត្រាអតីតកីឡាករខ្សែប្រយុទ្ធឆ្នើម Legendary របស់កម្ពុជា

អតីតកីឡាករខ្សែប្រយុទ្ធឆ្នើម Legendary របស់កម្ពុជា (G.O.A.T – Greatest of All Time) ហុក សុចិត្រា រកគ្រាប់បាល់បញ្ចូលទីបាន ២០គ្រាប់ ឱ្យក្រុមជម្រើសជាតិកម្ពុជាក្នុងចំណោមការបង្ហាញខ្លួន២៦ដងក្នុងការប្រកួតផ្លូវការ។

យ៉ាងណាមិញបើគិតទាំងគ្រាប់បាល់នៅការប្រកួតមិនផ្លូវការផង Legendary របស់កម្ពុជា រកគ្រាប់បាល់សរុបចំនួន៤២គ្រាប់ មុនប្រកាសចូលនិវត្តន៍នៅឆ្នាំ២០០៣។ លើសពីនេះទៅទៀតក្នុងជំនាន់នោះ អតីតកីឡាករខ្សែប្រយុទ្ធឆ្នើមរូបនេះ ធ្លាប់ជាប់ជាកីឡាករឆ្នើមបំផុតលំដាប់ទី២នៅតំបន់អាស៊ានទៀតផង។

ចំណែកខ្សែប្រយុទ្ធឆ្នើមរបស់បឹងកេត ចាន់ វឌ្ឍនាកា ទំនងនឹងអាចបំបែកកំណត់ត្រារបស់អតីតកីឡាករ ហុក សុចិត្រា ព្រោះកីឡាករដើមកំណើតពីខេត្តកំពតរូបនេះ រកបានគ្រាប់បាល់បញ្ចូលទីចំនួន១៧គ្រាប់ហើយ តាមពីក្រោយតែ៣គ្រាប់ទៀតប៉ុណ្ណោះ។

ក្រុមការងារ CBS SPORT ព្យាករថាកីឡាករ ចាន់ វឌ្ឍនាកា ប្រាកដជាអាចបំបែកកំណត់ត្រាលោក ហុក សុចិត្រាដែលបច្ចុប្បន្នលោកជាអគ្គលេខាធិការក្លិបវិសាខា ហើយក៏ធ្លាប់មានបទពិសោធជាគ្រូជម្រើសជាតិឈុតធំផងដែរ៕

អ្នកអាចចែករំលែកដោយ៖

Loading...
អត្ថបទទាក់ទង