ព័ត៌មានថ្មី
- កម្មវិធីកម្លាំងគោជល់ ឧបត្ថម្ភផ្ដាច់មុខដោយ Red Bull លាតត្រដាងបេក្ខភាពឈានទៅវគ្គបន្ទាប់ 15 នាក់ដំបូង ខណៈអ្នកជាប់នឹងត្រូវបង្ហាញជាបន្តបន្ទាប់
- អ្នកវាយកូនបាល់ Félix Auger-Aliassime និង Frances Tiafoe ចាប់ដៃគ្នាឡើងជុំទី២កម្មវិធី Hamburg Open 2025
- អ្នកគាំទ្រ Man UTD និង Tottenham Hotspur មកជួបជុំគ្នាលើកទឹកចិត្តក្រុមរៀងខ្លួនក្នុងវគ្គផ្តាច់ព្រ័ត្រ UEFA Europa League
- គ្រូ Man UTD ថា បារម្ភសមត្ថភាពប្រកួតរបស់ក្រុមជាជាង វគ្គផ្តាច់ព្រ័ត្រ UEFA Europa League
- អ្នកគាំទ្រ Everton រាប់ពាន់នាក់ធ្វើពិធីលាគ្នាជាមួយ កីឡដ្ឋាន Goodison Park
កីឡាករអេត្យូពី Deresa Geleta ឈ្នះជើងឯកការប្រកួតរត់ម៉ារ៉ាតុនកម្មវិធី Seville Marathon 2024
- កីឡាចម្រុះ
- February 19th, 2024 (1 year)
- 737 Views
កីឡាករអេត្យូពី Deresa Geleta បានទទួលជ័យជម្នះនៅក្នុងការប្រកួតរត់ម៉ារ៉ាតុនកម្មវិធី Seville Marathon 2024 ដែលធ្វើឡើងនាទីក្រុង Seville ប្រទេសអេស្ប៉ាញ។
ក្នុងការប្រកួតដែលមានអ្នកចូលរួមប្រមាណ ១ម៉ឺន ២ពាន់នាក់នោះ កីឡាករ Deresa Geleta បានព្យាយាមប្រើប្រាស់សមត្ថភាពរបស់ខ្លួន ដើម្បីរត់ប្រជែងនាំមុខគេ លើចម្ងាយផ្លូវ 42.195 គីឡូម៉ែត្រ រហូតអាចមកដល់គោលដៅប្រើពេលអស់តែ ២ម៉ោង ៣នាទី និង ២៦វិនាទី។ កីឡាករបារាំង Morhad Amdouni មកដល់ក្នុងចំណាត់ថ្នាក់លេខ២ ប្រើពេលអស់ ២ម៉ោង ៣នាទី ៤៦វិនាទី ហើយកីឡាករអ៊ីស្រាអែល Gashau Ayale មកដល់ក្នុងចំណាត់ថ្នាក់លេខ៣ ប្រើពេលអស់ ២ម៉ោង ៤នាទី ៥២វិនាទី។
ងាកកាន់ផ្នែកនារីរិញ ជ័យជម្នះក៏បានទៅលើជនជាតិអេត្យូពីដែរ នោះគឺកីឡាការិនី Azmera Gebru ដោយប្រើពេលអស់ ២ម៉ោង ២២នាទី និង១៣វិនាទី ខណៈ លេខ២បានទៅលើកីឡាការិនីកេនយ៉ា Josephine Chepkoech ប្រើពេលអស់ ២ម៉ោង ២២នាទី និង៣៨វិនាទី ហើយកីឡាការកេនយ៉ា Magdalyne Masai បានចំណាត់ថ្នាក់លេខ៣ ប្រើពេលអស់ ២ម៉ោង ២២នាទី និង៥១វិនាទី។
សូមបញ្ជាក់ថា ការប្រកួតរត់ម៉ារ៉ាតុនកម្មវិធី Seville Marathon បានចាប់ផ្តើមដំណើរការតាំងពីឆ្នាំ ១៩៨៥ មក ដោយក្នុងនោះថវិកាដែលទទួលបានពីការប្រកួតនឹងត្រូវផ្តល់ទៅកាន់មូលនិធីមនុស្សធម៌របស់ប្រទេសអេស្ប៉ាញ៕
អត្ថបទទាក់ទង
EPL
Olympic 2024
EURO
SEA GAMES