Napoli ប្តូរគ្រូបង្វឹក មុនជំនួបទល់នឹង Barcelona នៅ UEFA Champions League

បាល់ទាត់
February 21st, 2024 (1 year)
453 Views
Share

SSC Napoli បានបណ្តេញគ្រូបង្វឹកលោក Walter Mazzarri មុនពេលជំនួប ពានរង្វាន់ UEFA Champions League ទល់នឹងក្រុម Barcelona ចូលមកដល់។

Napoli បានទទួលលទ្ធផលស្មើ ១-១ ក្នុងទឹកដីទល់នឹងក្រុម Genoa ក្នុងក្របខណ្ឌ Serie A បាននាំអោយឈានដល់ការបញ្ចប់តំណែងរបស់លោក Mazzarri ដែលជាបុរសបានចូលកាន់តំណែងជំនួសលោក Rudi Garcia តាំងពីខែវិច្ឆិកា ឆ្នាំ ២០២៣ កន្លងទៅ។

មូលហេតុឈានដល់ការបញ្ចប់តំណែងនេះដែរ ព្រោះបុរសវ័យ ៦៧ឆ្នាំ ដឹកនាំក្រុមធ្វើមិនបានល្អខ្លាំងដោយការប្រកួត១៧លើកចុងក្រោយ រកបានជ័យជំនះត្រឹមតែ៦ប្រកួត ប៉ុណ្ណោះ។

លទ្ធផលដ៏អាក្រក់ក្រោយពេលក្រុមគ្រងជើងឯកលីគកំពូលអ៊ីតាលីរដូវកាលមុនរួចមក បានបង្ខំចិត្តប្រធានក្លិប លោក Aurelio De Laurentiis សម្រេចបញ្ចប់តំណែងគ្រូបង្វឹកមុនពេលការប្រកួតទល់ Barcelona ចូលមកដល់ ។

ក្រោយការចាកចេញរបស់លោក Walte Mazzarri ក្រុមជើងឯកលីគកំពូលអ៊ីតាលី បានប្រកាសថាគ្រូបង្វឹកក្រុមជម្រើសជាតិស្លូវ៉ាគី លោក Francesco Calzona នឹងចូលកាន់តំណែងជំនួសលោក Mazzarri រហូតដល់ចប់រដូវកាល ២០២៣-២៤។

ទោះបីត្រូវកាន់តំណែងជាគ្រូបង្វឹកបណ្តោះអាសន្ន នៅ Napoli ប៉ុន្តែលោក Calzona វ័យ ៥៥ឆ្នាំ នឹងនៅតែបន្តកាន់កាប់តំណែងរបស់ក្រុមជម្រើសជាតិស្លូវ៉ាគី ដដែល ហើយលោកក៏នឹងត្រូវដឹកនាំក្រុមស្លូវ៉ាគី ប្រកួតប្រជែងក្នុងពានរង្វាន់ UEFA Euro 2024 នាប្រទេសអាល្លឺម៉ង់ផងដែរ។

សូមបញ្ជាក់ថា SSC Napoli នឹងត្រូវបើកទ្វារកីឡដ្ឋាន Diego Armando Maradona ដើម្បីស្វាគមន៍ក្រុម Barcelona ក្នុងការប្រកួតជើងទី១ វគ្គ១៦ក្រុមចុងក្រោយ ពានរង្វាន់ UEFA Champions League ដែលនឹងធ្វើឡើងនាយប់នេះ៕

អត្ថបទទាក់ទង

Napoli ប្តូរគ្រូបង្វឹក មុនជំនួបទល់នឹង Barcelona នៅ UEFA Champions League

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស