ម្ចាស់ខ្សែក្រវាត់ CBS គុនខ្មែរ វិលមកអង្រួនសង្វៀន CNC គុនខ្មែរដណ្ដើមប្រាក់លានខារ៉ាបាវ ចុងសប្ដាហ៍នេះ

គុនខ្មែរ
February 22nd, 2024 (8 months)
572 Views
Share

កីឡាករ រិទ្ធី សូសែន ម្ចាស់ខ្សែក្រវាត់របស់ CBS គុនខ្មែរ នឹងឡើងមកបង្កភាពភ្ញាក់ផ្អើលជូនដល់ទស្សនិកជនដែលស្នេហាវិស័យប្រដាល់គុនខ្មែរ នៅសង្វៀន CNC នៅក្នុងកម្មវិធីគុនខ្មែរដណ្ដើមប្រាក់លានខារ៉ាបាវ នាថ្ងៃសៅរ៍ចុងសប្ដាហ៍នេះ។

រិទ្ធី សូសែន គឺជាម្ចាស់ខ្សែក្រវាត់ CBS គុខខ្មែរ ប្រភេទទម្ងន់ ៥៤គីឡូក្រាម និងម្ចាស់ប្រាក់រង្វាន់ ២០លានរៀល បន្ទាប់ពីផ្តួលគូប្រកួតឱ្យបោះបង់ការប្រកួតក្នុងវគ្គផ្ដាច់ព្រ័ត្រ កាលពីខែកក្កដា ឆ្នាំ២០២២។ យ៉ាងណាមិញ នៅឆ្នាំ២០២៤នេះ រូបគេនឹងឈានជើងមកកាន់សង្វៀន CNC ដើម្បីប្រកួតទល់នឹងកីឡាករអ៊ីរ៉ង់ ម៉ាស៊ូដ រ៉ៃស៊ី ដែលជាគូដណ្ដើមប្រាក់លាន ក្នុងប្រភេទ ៥៧គីឡូក្រាម នាថ្ងៃសៅរ៍ ទី២៤ ខែកុម្ភៈ។

គូដណ្ដើមប្រាក់លានមួយទៀត អ្នកលេងគុនខ្មែរសម្រុកមិនថយ ធន់ វណ្ណា ប្រកួតជាមួយកណ្ដាប់ពិឃាត ណាំផងណយ ស ផាកឌី ក្នុងប្រភេទទម្ងន់ ៦០គីឡូក្រាម។

ជាមួយគ្នានេះ នៅមានគូពិសេសៗ៣ទៀត រួមមាន រៀប វិច្ឆិកា ប្រកួតជាមួយ រក្សា អាណាន់ ក្នុងប្រភេទ ៥៧គីឡូក្រាម, ឡុង ខ្លាសឹក ប្រកួតជាមួយ ម៉ាលី សារ៉ុន ក្នុងប្រភេទទម្ងន់ ៥៧គីឡូក្រាមដូចគ្នា និងគូរវាង ជី ឆៃលី ប៉ះកីឡាករ រិទ្ធី ម៉ាឡាកាំង ក្នុងប្រភេទ ៥៤គីឡូក្រាម។

ទស្សនាការប្រកួតដ៏ជក់ចិត្តនៅថ្ងៃសៅរ៍ ទី២៤ ខែកុម្ភៈ ឆ្នាំ២០២៤នេះ នៅស្ទូឌីយោ CTN ឫស្សីកែវ ចាប់ពីម៉ោង ២រសៀលតទៅ ឬទស្សនាការផ្សាយផ្ទាល់នៅលើទំព័រហ្វេសប៊ុកផេក CNC TV, CBS Sports និង Carabao Cambodia ។

សូមចូលរួមធ្វើជាសាក្សី នៃម្ចាស់ប្រាក់លានខារ៉ាបាវ ធានាកក្រើករញ្ជួយសង្វៀនរៀងរាល់សប្ដាហ៍។ចូលរួមទស្សនាដោយសេរី នៅស្ទូឌីយោ CTN ឫស្សីកែវ !

អត្ថបទទាក់ទង

ម្ចាស់ខ្សែក្រវាត់ CBS គុនខ្មែរ វិលមកអង្រួនសង្វៀន CNC គុនខ្មែរដណ្ដើមប្រាក់លានខារ៉ាបាវ ចុងសប្ដាហ៍នេះ

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស