ខ្សែបម្រើ Christian Pulisic រងការប្រមាថ និងគំរាមសម្លាប់ ក្រោយជំនួប AC Milan ទល់នឹង Lazio

បាល់ទាត់
March 7th, 2024 (11 months)
489 Views
Share

ខ្សែបម្រើ Christian Pulisic របស់ក្រុម AC Milan ទទួលបានការផ្ញើសារគំរាមកំហែងដល់ជីវិត និងការផ្ញើសារប្រមាថនៅលើបណ្តាញសង្គម ក្រោយពេលដែលក្រុមរបស់គេ ប្រកួតឈ្នះក្រុម Lazio លទ្ធផល ១-០ ក្នុងជំនួបក្របខណ្ឌ Serie A កាលពីសប្តាហ៍មុន។

ជំនួបនោះ Lazio បញ្ចប់ការប្រកួតជាមួយនឹងកីឡាករមានគ្នាត្រឹមតែ ៨នាក់ ហើយ Pulisic ជាមូលហេតុពាក់ព័ន្ធទៅនឹងការបណ្តេញចេញកីឡាករ Lazio ២នាក់ ក្នុងចំណោម ៣នាក់។
ក្រោយឈ្នះការប្រកួត Pulisic បានបង្ហោះរូបភាពអបអរលើបណ្តាញសង្គមចំពោះជ័យជម្នះរបស់ក្រុម តែក្រោយមករូបគេក៏ទទួលបានការផ្ញើសារជាន់ពន្លិច និងគំរាមសម្លាប់តែម្តង។

យ៉ាងណាមិញ ការបង្ហោះដដែលនោះ ក៏មានសារដែលបង្ហាញពីការគាំទ្រច្រើនដល់កីឡាករសញ្ជាតិអាមេរិក ពីអ្នកគាំទ្ររបស់ក្រុម AC Milan ក៏ដូចជាមិត្តរួមក្រុម របស់គេផងដែរ។

ដំបូងឡើយកីឡាករ Luca Pellegrini ត្រូវបានបណ្តេញចេញនៅនាទី៦៧ បន្ទាប់ពីទទួលបានកាតលឿងចំនួន ២ ជាប់ៗគ្នា សម្រាប់ការបង្កកំហុសលើ Pulisic។ បន្ទាប់មកកីឡាករ Matteo Guendouzi ត្រូវបានបណ្តេញចេញដោយកាតក្រហមដេញចេញភ្លាមៗ ចំពោះប្រតិកម្មមិនល្អលើ Pulisic ដូចគ្នា។

កីឡាករទី៣ របស់ក្រុម Lazio គឺខ្សែការពារ Adam Marusic ត្រូវបានបណ្តេញចេញពីការប្រកួតនៅចុងម៉ោងហៀបបញ្ចប់ការប្រកួត។

សូមបញ្ជាក់ថា Christian Pulisic បានចូលរួមជាមួយនឹងក្រុម AC Milan ដោយផ្ទេរចេញពីក្រុម Chelsea ក្រោយបញ្ចប់រដូវកាលមុន ដើម្បីស្វែងរកទម្រង់លេងល្អឡើងវិញនៅក្លិបថ្មី។

លេងជាមួយក្លិបនៅលីគកំពូលអ៊ីតាលីបច្ចុប្បន្នរូបគេរកបានគ្រាប់បាល់ចំនួន ៧គ្រាប់ បញ្ចូល ៦គ្រាប់ ក្នុងការបង្ហាញខ្លួន ២៥ប្រកួត៕

អត្ថបទទាក់ទង

ខ្សែបម្រើ Christian Pulisic រងការប្រមាថ និងគំរាមសម្លាប់ ក្រោយជំនួប AC Milan ទល់នឹង Lazio

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស