អតីតគ្រូបង្វឹក Marseille លោក Igor Tudor ត្រូវបានតែងតាំងជាគ្រូបង្វឹកថ្មីរបស់ Lazio

បាល់ទាត់
March 19th, 2024 (10 months)
474 Views
Share

ក្លិប Lazio បានប្រកាសតែងតាំង អតីតគ្រូបង្វឹក Marseille លោក Igor Tudor មកជាគ្រូបង្វឹកថ្មីជំនួសលោក Maurizio Sarri ដែលបានសុំលាលែងពីតំណែងកាលពីពេលថ្មីៗនេះ។

លោក Maurizio Sarri បានសុំបញ្ចប់ការងាររបស់ខ្លួនជាមួយ Lazio កាលពីថ្ងៃទី១៣ ខែមីនាកន្លងទៅ ក្រោយទទួលលទ្ធផលមិនសូវល្អ។

ដូច្នេះហើយ Lazio បានស្វះស្វែងរកបេក្ខភាពថ្មីមកដឹកនាំបន្តភ្លាមៗ ហើយចុងក្រោយពួកគេបានជ្រើសរើសយកលោក Igor Tudor ដោយបុរសវ័យ៤៥ឆ្នាំ បានចុះកុងត្រារយៈពេល១៨ខែ ក្នុងការដឹកនាំក្លិបនៅក្របខណ្ឌកំពូលអ៊ីតាលី Serie A មួយនេះ។

លោក Igor Tudor បានដឹកនាំក្លិបចុងក្រោយគឺក្លិប Olympique de Marseille នៅលីគកំពូលបារាំង ដោយបានលាលែងពីតំណែង កាលពីខែមិថុនាឆ្នាំមុន ក្រោយជួយក្លិបបញ្ចប់នៅចំណាត់ថ្នាក់លេខ៣ កាលពីរដូវកាលមុន។

មែនទែនទៅ បុរសជនជាតិក្រូអាតមានបទពិសោធដឹកនាំការប្រកួតនៅក្របខណ្ឌ Serie A រួចមកហើយដែរ ដោយលោកធ្លាប់បានដឹកនាំក្លិប Udinese និង Hellas Verona ។

អតីតខ្សែការពាររូបនេះ ក៏ធ្លាប់ជាសមាជិកក្លិប Juventus ដោយបានជួយឱ្យក្លិបឈ្នះជើងឯក Serie A ២ដង នៅក្នុងរដូវកាល ២០០១-០២ និង ២០០២-០៣ រួមទាំងពានរង្វាន់ UEFA Intertoto Cup កាលពីឆ្នាំ១៩៩៩។

ដោយឡែក Lazio បច្ចុប្បន្នកំពុងឈរចំណាត់ថ្នាក់លេខ៩ នៅក្នុងតារាងពិន្ទុក្របខណ្ឌ Serie A ដោយមាន៤៣ពិន្ទុ ក្រោយឆ្លងកាត់ ២៩ប្រកួតរួចមក។ ការប្រកួតជាបន្តរបស់ពួកគេនឹងត្រូវស្វាគមន៍ក្រុម Juventus នៅថ្ងៃទី៣០ ខែមីនា ខាងមុខ៕

អត្ថបទទាក់ទង

អតីតគ្រូបង្វឹក Marseille លោក Igor Tudor ត្រូវបានតែងតាំងជាគ្រូបង្វឹកថ្មីរបស់ Lazio

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស