អតីតខ្សែការពារ Barcelona Dani Alves ត្រូវដោះលែងនៅក្រៅឃុំជាបណ្តោះអាសន្ន

បាល់ទាត់
March 27th, 2024 (1 year)
777 Views
Share

អតីតខ្សែការពារក្រុមជម្រើសជាតិប្រេស៊ីល និង ក្លិប Barcelona, Dani Alves ត្រូវបានដោះលែងឱ្យនៅក្រៅឃុំជាបណ្ដោះអាសន្ន ក្រោយពីសាមីកីឡាករ បានបង់ប្រាក់ធានាក្រៅឃុំប្រមាណ ១លានដុល្លារអាមេរិក។

កាលពីខែកុម្ភៈ កីឡាករវ័យ ៤០ឆ្នាំ ត្រូវបានតុលាការទីក្រុង Barcelona ប្រទេសអេស្ប៉ាញ កាត់ទោសឱ្យជាប់ពន្ធនាគាររយៈពេល ៤ឆ្នាំ ៦ខែ ពីបទរំលោភបំពានផ្លូវភេទទៅលើនារីម្នាក់នៅក្នុងក្លិបកម្សាន្ត។

យ៉ាងណាមិញ ថ្មីៗនេះ Dani Alves បានធ្វើការប្ដឹងទៅសាលាឧទ្ធរណ៍ តវ៉ានឹងសាលដីកាតុលាការជាន់ទាប។
ជាមួយនឹងការបង់ជាទឹកប្រាក់ ប្រមាណ ១លានដុល្លារអាមេរិក Dani Alves បានប្រគល់លិខិតឆ្លងដែនប្រេស៊ីល និងអេស្ប៉ាញ ទៅឱ្យតុលាការអេស្ប៉ាញ។

ការដោះលែងជាបណ្ដោះអាសន្ននេះធ្វើឱ្យ Alves នៅក្រៅឃុំជាលើកដំបូងក្នុងរយៈពេល ១៤ខែ។

សូមជម្រាបផងដែរថា Dani Alves ជាកីឡាករបាល់ទាត់ដ៏ឆ្នើមមួយរូប ដោយឈ្នះពានជាច្រើនជាមួយក្លិប Barcelona និងក្រុមជម្រើសជាតិប្រេស៊ីល។ យ៉ាងណាមិញ រឿងអាស្រូវនៃការរំលោភបំពានផ្លូវភេទ ហាក់បានបញ្ចប់អាជីពបាល់ទាត់របស់គេទៅហើយ៕

អត្ថបទទាក់ទង

អតីតខ្សែការពារ Barcelona Dani Alves ត្រូវដោះលែងនៅក្រៅឃុំជាបណ្តោះអាសន្ន

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស