កីឡាករអ៊ីតាលី Jannik Sinner យកបានតំណែងជើងឯកការប្រកួតវាយកូនបាល់កម្មវិធី Miami Open 2024

កីឡាចម្រុះ
April 1st, 2024 (10 months)
353 Views
Share

ការប្រកួតវាយកូនបាល់កម្រិត ATP Masters 1000 កម្មវិធី Miami Open 2024 បានបញ្ចប់រួចរាល់ហើយ បន្ទាប់ពីដំណើរការរយៈពេល២សប្តាហ៍កន្លងមក នាទីក្រុង Miami រដ្ឋ Florida សហរដ្ឋអាមេរិក។

ជាក់ស្តែង គេក៏បានរកឃើញអ្នកទទួលបានតំណែងជើងឯកនៃកម្មវិធីនេះផងដែរ នោះគឺកីឡាករអ៊ីតាលី Jannik Sinner ដោយរូបគេបានយកឈ្នះទៅលើកីឡាករប៊ុលហ្ការី Grigor Dimitrov នៅក្នុងការប្រកួតវគ្គផ្តាច់ព្រ័ត្រ តាមរយៈលទ្ធផល 6-3 និង 6-1 ។

នេះជាពានរង្វាន់ទី៣ហើយ ដែលកីឡាករ Jannik Sinner បានឈ្នះនៅក្នុងរដូវកាល ២០២៤ បន្ទាប់ពីរូបគេបានឈ្នះពានរង្វាន់ Australian Open និងពានរង្វាន់ Rotterdam Open កាលពីពេលកន្លងទៅ។

វាក៏បានធ្វើឱ្យ Jannik Sinner ក្លាយជាកីឡាករវាយកូនបាល់ជនជាតិអ៊ីតាលីទី១ ដែលបានរំកិលចំណាត់ថ្នាក់មកកាន់ចំណាត់ថ្នាក់លេខ២ពិភពលោក ពេលដែលតារាងចំណាត់ថ្នាក់ធ្វើការផ្លាស់ប្តូរនៅថ្ងៃចន្ទនេះ។

សូមបញ្ជាក់ថា ការប្រកួតវាយកូនបាល់ កម្មវិធី Miami Open 2024 គឺជាការដំណើរការលើកទី៣៩ នៅក្នុងប្រវត្តិសាស្ត្រ ដោយប្រាក់រង្វាន់នៃកម្មវិធី មានប្រមាណ ៨លាន ៩សែនដុល្លារឯណោះ៕

អត្ថបទទាក់ទង

កីឡាករអ៊ីតាលី Jannik Sinner យកបានតំណែងជើងឯកការប្រកួតវាយកូនបាល់កម្មវិធី Miami Open 2024

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស