កីឡាការិនីរត់ចម្ងាយកេនយ៉ា ដែលបង្ហាញខ្លួននៅអូឡាំពិកក្រុងតូក្យូ ត្រូវបានគេចាក់សម្លា ប់

កីឡាចម្រុះ
October 14th, 2021 (3 years)
3146 Views
Share

កីឡាការិនីលើវិញ្ញាសារត់ចម្ងាយឆ្ងាយរបស់ប្រទេសកេនយ៉ា Agnes Jebet Tirop ត្រូវបានឃាតក ចាក់សម្លាប់ក្នុងផ្ទះរបស់ខ្លួន។

Tirop ជាកីឡាការិនីដែលបានដើរគ្រវីទង់ជាតិកេនយ៉ា នាព្រឹត្តិការណ៍កីឡាអូឡាំពិកក្រុងតូក្យូ ឆ្នាំ២០២០ ហើយបានទទួលចំណាត់ថ្នាក់លេខ៤លើវិញ្ញាសារត់ចម្ងាយ៥០០០ម៉ែត្រ។

ដំណឹងមរណភាពរបស់កីឡាការនីវ័យ២៥ឆ្នាំ ត្រូវបានប្រកាសដោយលោក Barnaba Korir ប្រធានសហព័ន្ធអត្តពលកម្មកេនយ៉ា ប្រចាំទីក្រុងណៃរ៉ូប៊ី។ នាងត្រូវបានប្រទះឃើញស្លាប់នៅក្នុងផ្ទះ នាក្រុង Iten តំបន់ Elgeyo Marakwet ជាមួយនឹងស្នាមចាក់លើផ្ទៃពោះ ប៉ុន្តែមិនទាន់មានការសន្និដ្ឋានផ្លូវការឡើយ។

Tirop ត្រូវបានចាត់ទុកជាអត្តពលិកកំពូលមួយរូបរបស់កេនយ៉ា ដោយបានឈ្នះមេដាយសំរឹទ្ធពិភពលោកពីរលើកលើវិញ្ញាសាររត់ចម្ងាយ១ម៉ឺនម៉ែត្រ។ សម្រាប់វិញ្ញាសាពិភពលោក World Cross Country Championships កីឡាការិនីរូបនេះ ធ្លាប់ឈ្នះមេដាយមាស១ និងប្រាក់២ផងដែរ។
សម្រាប់មេដាយមាស World Cross Country Championships នៅក្រុង Guiyang ប្រទេសចិន កាលពីឆ្នាំ២០១៥ ធ្វើឱ្យ Tirop ក្លាយជាកីឡាការិនីទីពីរ ដែលទទួលបានជោគជ័យដ៏ធំធេងនេះ បន្ទាប់ពីកីឡាការិនី Zola Budd របស់អាហ្វ្រិកខាងត្បូង ដែលសម្រេចបានកាលពីឆ្នាំ១៩៨៥ និងឆ្នាំ១៩៨៦៕

អត្ថបទទាក់ទង

កីឡាការិនីរត់ចម្ងាយកេនយ៉ា ដែលបង្ហាញខ្លួននៅអូឡាំពិកក្រុងតូក្យូ ត្រូវបានគេចាក់សម្លា ប់

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស