Barcelona ចង់ផ្តល់ជូនខ្សែបម្រើ Pedri នូវកិច្ចសន្យាថ្មីបន្ថែមទៀត

បាល់ទាត់
April 9th, 2024 (6 months)
395 Views
Share

ក្លិប Barcelona ចង់ផ្តល់ជូនខ្សែបម្រើ Pedri នូវកិច្ចសន្យាថ្មីបន្ថែមទៀត ដោយចាត់ទុកកីឡាករសញ្ជាតិអេស្ប៉ាញរូបនេះ ជាកីឡាករដ៏សំខាន់បំផុតមួយរបស់ក្លិបនាពេលអនាគត។នេះបើយោងតាមការផ្សព្វផ្សាយពីសារព័ត៌មាន Mundo Deportivo ។

ជាក់ស្តែង កីឡាករវ័យ២១ឆ្នាំ ដែលជាអ្នកឈ្នះពានរង្វាន់ Kopa Trophy កាលពីឆ្នាំ២០២១ ត្រូវបានចាត់ទុកថា រូបគេគឺជាកីឡាករម្នាក់ក្នុងចំណោមកីឡាករដែលមានឥទ្ធិពលបំផុតរបស់ក្លិប Barcelona រួចទៅហើយ ដោយគេតែងបានបង្ហាញខ្លួនជាទៀងទាត់សម្រាប់ក្រុម។

យ៉ាងណាមិញ Pedri បានអវត្តមានភាគច្រើននៅរដូវកាលនេះ ដោយសារតែបញ្ហារបួសសរសៃពួរ ស្របពេលក្លិបក៏បានបញ្ជាក់ផងដែរថា ការប្រកួត UEFA Champions League ទល់នឹង Paris Saint-Germain ក្លិបនឹងមិនទាន់ហ៊ានប្រថុយដាក់ឱ្យរូបគេ ចូលលេងនោះឡើយ។

បែបណាក៏ដោយ ក្លិបនៅតែចង់ឱ្យ Pedri បន្តកុងត្រាថ្មីបន្ថែមទៀត ទោះបីជាកិច្ចសន្យាបច្ចុប្បន្នរបស់គេ នឹងត្រូវផុតកំណត់នៅចុងបញ្ចប់នៃរដូវកាលឆ្នាំ ២០២៥–២៦ ក្តី។

សូមបញ្ជាក់ផងដែរថា Pedri បានមកចូលរួមជាមួយ Barcelona ដោយផ្ទេរចេញពីក្លិប UD Las Palmas ក្នុងឆ្នាំ២០១៩។ គិតមកដល់នឹងពេលនេះ រូបគេបានបង្ហាញខ្លួនសរុប ១៣៣ ប្រកួតរួចមកហើយ ដោយរកគ្រាប់បាល់បញ្ចូលទីបាន ១៨គ្រាប់ និងចែកបាល់សម្រេចទីចំនួន ១២លើកផងដែរ៕

អត្ថបទទាក់ទង

Barcelona ចង់ផ្តល់ជូនខ្សែបម្រើ Pedri នូវកិច្ចសន្យាថ្មីបន្ថែមទៀត

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស