អត្តពលិកអង់គ្លេស Russ Cook ក្លាយជាមនុស្សដំបូងគេរត់ឆ្លងកាត់ទ្វីបអាហ្រ្វិកបានសម្រេច

កីឡាចម្រុះ
April 9th, 2024 (5 months)
372 Views
Share

លោក Russ Cook បុរសសញ្ជាតិអង់គ្លេស ជាអត្តពលិករត់ចម្ងាយឆ្លងកាត់ឧបសគ្គលំបាកខ្លាំងបំផុត អាចរត់បានសម្រេចគោលដៅកាត់ទ្វីបអាហ្រ្វិក ទៅដល់គោលដៅចុងក្រោយនៅប្រទេសទុយណេស៊ី ដោយឆ្លងកាត់ប្រទេសចំនួន ១៦ និងប្រើពេល ៣៥២ថ្ងៃ។

ចាប់ផ្តើមការរត់លើកដំបូងកាលពីខែមេសា ឆ្នាំ២០២៣ នៅចំណុចភាគខាងត្បូងបំផុតនៃទ្វីបអាហ្រ្វិក ដែលជាប្រទេសអាហ្វ្រិកខាងត្បូង ក្នុងភូមិមួយមានឈ្មោះថា L’Agulhas ។ លោក Cook បានរត់ទៅកាន់ទិសខាងលិចនៃទ្វីបអាហ្វ្រិក ដែលមានចម្ងាយ ១៦,០០០ គីឡូម៉ែត្រ។

បុរសវ័យ ២៧ឆ្នាំ បានរត់កាត់ប្រទេស ណាមីប៊ី, អង់ហ្គោឡា, សាធារណរដ្ឋប្រជាធិបតេយ្យកុងហ្គោ, សាធារណរដ្ឋកុងហ្គោ, កាម៉េរូន, នីហ្សេរីយ៉ា, បេណាំង, តូហ្គោ, ហ្គាណា, កូតឌឺវ័រ, ហ្គីណេ, សេណេហ្កាល់, ម៉ូរីតានី, អាល់ហ្សេរី មុនពេលរត់មកទីក្រុង Ras Angela ប្រទេសទុយណេស៊ី។

ជាអត្តពលិកពូកែស៊ូទ្រាំ លោក Cook ក៏បានរៃអង្គាសប្រាក់បានជាង ៥ម៉ឺនផោន ចំពោះការរត់ដើម្បីសប្បុរសធម៌ដ៏វែងឆ្ងាយ។ អំឡុងការរត់ចុងក្រោយរបស់លោក Russ Cook ក៏ត្រូវបានមនុស្សក្នុងប្រទេសទុយណេស៊ី ជាច្រើនអមការរត់ ដើម្បីសម្រេចគោលដៅ និងជាការអបអរចំពោះការសម្រេចសមិទ្ធផលដែលមិនងាយនឹងមានមនុស្សអាចធ្វើបាន។

បើតាមសម្តីរបស់លោក Simon Klima ដែលជាប្រធានគ្រប់គ្រងប្រព័ន្ធកម្មវិធីសប្បុរសធម៌ Givestar បានប្រាប់មកកាន់ទីភ្នាក់ងារសារព័ត៌មាន Reuters ដូច្នេះថា៖ “គោលដៅដ៏ធំបំផុតនោះគឺជាការចង់យកឈ្នះលើខ្លួនឯង និងធ្វើរឿងរ៉ាវដែលអស្ចារ្យបំផុត ដែលជាអ្វីដែល«Hardest Geezer» តែងតែធ្វើ។ រហូតដល់ពេលនេះយើងរៃអង្គាសបានជិត ៦០ម៉ឺនផោន សម្រាប់អង្គការសប្បុរសធម៌ Sandblast និងអង្គការសប្បុរសធម៍រត់។ ហើយយើងសង្ឃឹមថាលោក Russ នឹងធ្វើឱ្យវាកើតឡើងដល់ ១លានផោន។”

ក្នុងពេលរត់នោះ លោក Russ Cook បានពាក់អាវក្រុមបាល់ទាត់ជម្រើសជាតិអង់គ្លេស ដើម្បីបង្ហាញអត្តសញ្ញាណផ្ទាល់ខ្លួន ហើយនៅពេលរត់មកដល់ទី រូបគេត្រូវបានមនុស្សជាច្រើនស្រែកអបអររូបគេផងដែរ៕

អត្ថបទទាក់ទង

អត្តពលិកអង់គ្លេស Russ Cook ក្លាយជាមនុស្សដំបូងគេរត់ឆ្លងកាត់ទ្វីបអាហ្រ្វិកបានសម្រេច

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស