កម្មវិធីការសម្ដែងគុនសាវលីញ និងគុនល្បុក្កតោនៅអង្គរ ប្រព្រឹត្តទៅដោយជោគជ័យនាព្រឹកថ្ងៃទី២៤មេសា

កីឡាចម្រុះ
April 24th, 2024 (9 months)
615 Views
Share

ក្រសួងទេសចរណ៍ សហការជាមួយរដ្ឋបាលខេត្តសៀមរាប និងរដ្ឋបាលខេត្តហឺណាន ប្រទេសចិន បានរៀបចំព្រឹត្តិការណ៍ពិព័រណ៍វប្បធម៌ទេសចរណ៍ និងកម្មវិធី “ការសម្ដែងក្បាច់គុនសាវលីញនិងគុនល្បុក្កតោនៅអង្គរ (When Shaolin Meets Bokator at Angkor)” នៅទីតាំងខាងជើងប្រាសាទបាយ័ន កាលពីព្រឹកថ្ងៃទី២៤ ខែមេសា ឆ្នាំ២០២៤ ក្រោមអធិបតីដ៏ខ្ពង់ខ្ពស់ ឯកឧត្តម សុខ សូកេន រដ្ឋមន្ដ្រីក្រសួងទេសចរណ៍ ។

កម្មវិធី “ការសម្ដែងក្បាច់គុនសាវលីញនិងគុនល្បុក្កតោនៅអង្គរ” រៀបចំឡើងក្រោមយុទ្ធនាការ “ឆ្នាំនៃការផ្លាស់ប្ដូរប្រជាជន-ប្រជាជនកម្ពុជាចិន២០២៤” នាថ្ងៃទី២៤ ខែមេសា ឆ្នាំ២០២៤ នៅខេត្តសៀមរាប។

សូមជម្រាបថា គុនល្បុក្កតោកម្ពុជា បានចូលក្នុងបញ្ជីបេតិកភណ្ឌវប្បធម៌អរូបិយនៃមនុស្សជាតិរបស់អង្គការយូណេស្កូ។ ចំណែកក្បាច់គុនសាវលីញ ជាក្បាច់គុនតំណាងឱ្យប្រទេសចិន។ ឆ្នាំ២០២៤នេះ ជាឆ្នាំដែលកម្ពុជានិងចិន ផ្លាស់ប្ដូរប្រជាជន និងប្រជាជន ព្រមទាំងជំរុញនូវការទស្សនាខេត្តសៀមរាបផងដែរ។

សម្រាប់ព្រឹត្តិការណ៍ ពិព័រណ៍វប្បធម៌ទេសចរណ៍ និងកម្មវិធី ការសម្ដែងក្បាច់គុនសាវលីញនិងគុនល្បុក្កតោនៅអង្គរ គឺជាព្រឹត្តិការណ៍មួយក្នុងចំណោមព្រឹត្តិការណ៍ជាច្រើន ដែលក្រសួងទេសចរណ៍នឹងរៀបចំរវាងកម្ពុជា និងចិន ដើម្បីផ្សព្វផ្សាយពីវប្បធម៌ និងទេសចរណ៍៕

អត្ថបទទាក់ទង

កម្មវិធីការសម្ដែងគុនសាវលីញ និងគុនល្បុក្កតោនៅអង្គរ ប្រព្រឹត្តទៅដោយជោគជ័យនាព្រឹកថ្ងៃទី២៤មេសា

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស