លោក Thomas Tuchel បើកផ្លូវចរចាបន្តការដឹកនាំ Bayern Munich

បាល់ទាត់
May 7th, 2024 (9 months)
542 Views
Share

គ្រូបង្វឹក លោក Thomas Tuchel បើកផ្លូវក្នុងការចរចាសម្រាប់ការបន្តដឹកនាំ Bayern Munich នៅរដូវកាលក្រោយ។ បុរសសញ្ជាតិអាល្លឺម៉ង់ បាននិយាយថា រឿងអ្វីក៏អាចកើត ឡើងទាក់ទងនឹងអនាគត បើទោះជាលោកធ្លាប់បានយល់ព្រមជាមួយក្លិបថា នឹងចាកចេញក្រោយពេលចប់រដូវកាល។

កាលពីខែកុម្ភៈ Bayern Munich បានប្រកាសថា លោក Thomas Tuchel អាចនឹងចុះចេញ ពី តំណែងគ្រូបង្វឹក នៅចុងបញ្ចប់រដូវកាល ២០២៣-២៤។ Bayern Munich ក្នុងរដូវកាលនេះ បានឆ្លងកាត់ការប្រកួតយ៉ាងពិបាក ដោយបានរបូតពានរង្វាន់លីគកំពូលអាល្លឺម៉ង់ Bundesliga ទៅកាន់ Bayer Leverkusen។ Bayern Munich ខកខានឈ្នះពានលីគកំពូលលើកទី១២ របស់ខ្លួន ក្រោយពេលឈ្នះពាន ១១ឆ្នាំជាប់គ្នា ព្រោះតែក្រុមធ្លាក់ទម្រង់លេង។

ទោះយ៉ាងណា ទម្រង់លេងនៅក្នុងក្របខណ្ឌ UEFA Champions League ដែលឈានដល់ វគ្គពាក់កណ្តាលផ្តាច់ព្រ័ត្រ និងប្រកួតស្មើ ២-២ ទល់នឹង Real Madrid ជំនួបជើងទី១ នាកីឡដ្ឋាន Allianz Arena កាលពីសប្តាហ៍មុន បានធ្វើអោយ Bayern Munich គិតគូរឡើងវិញ ពីអនាគតលោក Tuchel ។ ចំពោះឱកាសក្នុងការនៅបន្តដឹកនាំក្លិប លោក Thomas Tuchel បានអះអាងថាកិច្ចព្រមព្រៀងមិនអាចផ្លាស់ប្តូរបាន ប៉ុន្តែក៏បន្តរង់ចាំមើលតាមកាលៈទេសៈ។

លោក Thomas Tuchel បាននិយាយដូច្នេះ “វាគឺជាកិច្ចព្រមព្រៀង ដូច្នេះមិនអាចកែប្រែបានឡើយ។ យ៉ាងណា អ្នកអាចផ្លាស់ប្តូរកិច្ចព្រមព្រៀងគ្រប់យ៉ាង ដោយមានការយល់ព្រមទៅវិញទៅមក ពីព្រោះយើងមានកិច្ចសន្យាដូចគ្នា។ ដូច្នេះអ្វីៗអាចនឹងកើតឡើងទៅបាន ប៉ុន្តែចម្លើយអាស្រ័យទៅលើកិច្ចព្រមព្រៀងដែលយើងចង់បាន។”

បើតាមប្រភពពីក្លិប Bayern Munich អោយដឹងថា ប្រសិនបើលោក Thomas Tuchel ត្រូវចាកចេញ ពិតបា្រកដ នោះលោកមានគោលបំណងត្រឡប់ទៅកាន់ទឹកដីអង់គ្លេសវិញ ដោយ លោក អាច នឹងអាចជជែកចំពោះឱកាសការងារនៅ Manchester United៕

អត្ថបទទាក់ទង

លោក Thomas Tuchel បើកផ្លូវចរចាបន្តការដឹកនាំ Bayern Munich

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស