ក្រូអាតកោះហៅ Luka Modric ជាប្រធានក្រុមសម្រាប់យុទ្ធនាការ UEFA Euro 2024 របស់ខ្លួន

EURO
May 21st, 2024 (8 months)
469 Views
Share

លោក Zlatko Dalic គ្រូបង្វឹកក្រុមជម្រើសជាតិក្រូអាត បានប្រកាសនូវកីឡាករចំនួន ២៦ នាក់ សម្រាប់បញ្ជីបឋម ត្រៀមយុទ្ធនាការ UEFA Euro 2024 របស់ខ្លួន ដែលមានប្រធានក្រុមជើងចាស់ Luka Modric ដែលអាចជាព្រឹត្តិការណ៍ដ៏ធំចុងក្រោយរបស់គាត់មុនពេលចូលនិវត្តន៍ពីក្រុមជម្រើសជាតិ។

ខ្សែបម្រើ Real Madrid វ័យ ៣៨ ឆ្នាំដែលត្រៀមនឹងចាកចេញនៅចុងរដូវកាលនេះ បានជួយក្រុមជម្រើសជាតិក្រូអាតឈានដល់ចំណាត់ថ្នាក់លេខ២ ជាប្រវត្តិសាស្ត្រនៅក្នុងព្រឹត្តិការណ៍បាល់ទាត់ពិភពលោក ឆ្នាំ២០១៨ FIFA World Cup 2018 ។

បន្ទាប់មក ក្រូអាតបានបញ្ចប់ក្នុងចំណាត់ថ្នាក់លេខ៣ នៅ World Cup ឆ្នាំ២០២២ នៅប្រទេសកាតា ហើយកាលពីឆ្នាំមុនបានចាញ់អេស្ប៉ាញក្នុងការប្រកួត Nations League នៅវគ្គផ្តាច់ព្រ័ត្រ។

លោក Dalic បានប្រាប់អ្នកសារព័ត៌មាននៅទីក្រុង Zagreb ថា៖ “គេ (Modric) អន្ទះសាចង់លេងឱ្យក្រូអាត ហើយធ្វើជាប្រធានក្រុមរបស់ពួកយើង”។

គ្រូបង្វឹកជោគជ័យបំផុតរបស់ក្រូអាតដែលបានចូលកាន់តំណែងក្នុងឆ្នាំ២០១៧ បានបន្តថា មានក្រុមល្អជាងច្រើនទៀតនៅក្នុងព្រឹត្តិការណ៍ UEFA Euro 2024 ដែលរៀបចំនៅប្រទេសអាល្លឺម៉ង់ ហើយថា ក្រុមរបស់លោកស្ថិតក្នុងពូលដ៏លំបាកមួយ។

ក្រូអាត ស្ថិតនៅពូល B មាន ក្រុមអេស្ប៉ាញ អាល់បានី និងក្រុមការពារតំណែងជើងឯក អ៊ីតាលី ផងដែរ៕

“ព្រឹត្តិការណ៍ UEFA Euro 2024, ក្រុមហ៊ុន CBS ដែលមាន CTN, MyTV និង CNC ទទួលសិទ្ធិផ្សាយបន្តផ្ទាល់ផ្ដាច់មុខនៅកម្ពុជា”

អត្ថបទទាក់ទង

ក្រូអាតកោះហៅ Luka Modric ជាប្រធានក្រុមសម្រាប់យុទ្ធនាការ UEFA Euro 2024 របស់ខ្លួន

ព្រឹត្តិការណ៍ប្រចាំទ្វីបអឺរ៉ុប UEFA Euro 2024