Cristiano Ronaldo នឹងលេងក្នុងព្រឹត្តិការណ៍ Euro នៅអាល្លឺម៉ង់ ក្រោយទទួលការកោះហៅពីក្រុមព័រទុយហ្គាល់

EURO
May 22nd, 2024 (2 years)
942 Views
Share

Cristiano Ronaldo នឹងត្រូវចូលរួមលេងក្នុងព្រឹត្តិការណ៍អន្តរជាតិធំជាលើកទី១១របស់គាត់ ក្រោយបានជាប់ឈ្មោះក្នុងក្រុមជម្រើសជាតិព័រទុយហ្គាល់សម្រាប់ព្រឹត្តិការណ៍ UEFA Euro 2024។

ខ្សែប្រយុទ្ធរបស់ក្លិប Al-Nassr វ័យ ៣៩ ឆ្នាំគឺជាកីឡាករដែលលេងឱ្យក្រុមជម្រើសជាតិបានច្រើនជាងគេក្នុងប្រវត្តិសាស្ត្របាល់ទាត់អន្តរជាតិ ដោយបង្ហាញខ្លួន ២០៦លើកសម្រាប់ព័រទុយហ្គាល់ និងរកបាន ១២៨ គ្រាប់។

គ្រូបង្វឹករបស់ក្រុមព័រទុយហ្គាល់ លោក Roberto Martinez បានបញ្ចូល Ronaldo ជាកីឡាករខ្សែប្រយុទ្ធម្នាក់ក្នុងចំណោមកីឡាករទាំង ៧នាក់ ក្នុងបញ្ជីបឋម ២៦ នាក់ សម្រាប់ការប្រកួតនៅខែក្រោយនៅប្រទេសអាល្លឺម៉ង់។

Martinez បាននិយាយនៅក្នុងសន្និសីទសារព័ត៌មានថា Ronaldo បន្តផ្តល់ជូននូវគុណភាព ដែលលោកពេញចិត្តយ៉ាងខ្លាំង។ រូបគេបានបង្ហាញខ្លួនជាលើកដំបូងក្នុងការប្រកួត Euro ឆ្នាំ២០០៤ នៅពេលដែលព័រទុយហ្គាល់ឈានដល់វគ្គផ្តាច់ព្រ័ត្រនៅលើទឹកដីខ្លួនឯង ប៉ុន្តែចាញ់ក្រិក។

ម្ចាស់ពានរង្វាន់ Ballon d’Or ចំនួន ៥ សម័យកាលបានជួយព័រទុយហ្គាល់ ឱ្យគ្រងជើងឯកព្រឹត្តិការណ៍ Euro 2016 និងពាន Nations League ក្នុងរដូវកាល ២០១៨-១៩ ។

មានកីឡាករ៩នាក់មកពីក្លិប Premier League នៅក្នុងក្រុមរបស់លោក Martinez ក្នុងនោះកីឡាកររបស់ Wolves មានអ្នកចាំទី Jose Sa, កីឡាករ Nelson Semedo និង Pedro Neto កីឡាករ Man Utd មាន Bruno Fernandes និង Diogo Dalot កីឡាកររបស់ Manchester City មាន Bernardo Silva និង Ruben Dias ព្រមទាំងកីឡាករ Joao Palhinha របស់ Fulham និង Diogo Jota របស់ Liverpool ។

លោក Martinez ក៏បានកោះហៅខ្សែការពារជើងចាស់ Pepe វ័យ ៤១ ឆ្នាំ រួមជាមួយមិត្តរួមក្រុម Porto វ័យ ២១ ឆ្នាំ Francisco Conceicao ផងដែរ។

ព័រទុយហ្គាល់ ប្រកួតជាមួយ សាធារណរដ្ឋឆេក មុនពេលប្រកួតជាមួយតួកគី និងហ្សកហ្ស៊ី នៅក្នុងពូល F ៕

“ព្រឹត្តិការណ៍ UEFA Euro 2024, ក្រុមហ៊ុន CBS ដែលមាន CTN, MyTV និង CNC ទទួលសិទ្ធិផ្សាយបន្តផ្ទាល់ផ្ដាច់មុខនៅកម្ពុជា”

អត្ថបទទាក់ទង

Cristiano Ronaldo នឹងលេងក្នុងព្រឹត្តិការណ៍ Euro នៅអាល្លឺម៉ង់ ក្រោយទទួលការកោះហៅពីក្រុមព័រទុយហ្គាល់

ព្រឹត្តិការណ៍ប្រចាំទ្វីបអឺរ៉ុប UEFA Euro 2024