កីឡាករលេខ១ពិភពលោក Novak Djokovic ឡើងដល់វគ្គ៨នាក់ចុងក្រោយ ការប្រកួតវាយកូនបាល់កម្មវិធី Geneva Open 2024

កីឡាចម្រុះ
May 23rd, 2024 (1 year)
694 Views
Share

កីឡាករលេខ១ពិភពលោក មកពីស៊ែប Novak Djokovic បានបន្តឡើងដល់វគ្គ៨នាក់ចុងក្រោយហើយនៃ ការប្រកួតវាយកូនបាល់កម្មវិធី Geneva Open 2024។

ជាក់ស្តែង កីឡាករដែលទើបឈានចូលវ័យ ៣៧ឆ្នាំ កាលពីម្សិលមិញនេះ បានអបអរថ្ងៃកំណើតរបស់ខ្លួន តាមរយៈការប្រកួតយកឈ្នះទៅលើកីឡាករអាល្លឺម៉ង់ Yannick Hanfmann នៅក្នុងការប្រកួតជុំទី២តាមរយៈលទ្ធផល 6-3 និង 6-3 ។

Novak Djokovic នឹងទៅរង់ចាំជួបអ្នកឈ្នះរវាងកីឡាករកាណាដា Denis Shapovalov និង កីឡាករ ហូរឡង់ Tallon Griekspoor។

រីឯកីឡាករន័រវែស Casper Ruud ក៏បានឡើងមកដល់វគ្គ៨នាក់ចុងក្រោយដែរ បន្ទាប់ពីយកឈ្នះកីឡាករអូទ្រីស Sebastian Ofner នៅក្នុងជុំទី២ ដោយលទ្ធផល 4-6 6-2 និង 6-2 ។ Casper Ruud នឹងឡើងមកជួបកីឡាករអាហ្សង់ទីន Sebastián Báez ដែលបានទម្លាក់កីឡាករអេស្ប៉ាញ Roberto Carballés Baena។

ការប្រកួត១គូទៀត គឺកីឡាករអាមេរិក Alex Michelsen បានយកឈ្នះលើមិត្តរួមជាតិកីឡាករ Taylor Fritz នៅក្នុងការប្រកួតជុំទី២ ដោយលទ្ធផល 6-4 4-6 និង 7-5 ដើម្បីឡើងមកកាន់វគ្គ៨នាក់ចុងក្រោយជួបកីឡាករឆេក Tomáš Macháč ដែលបានទម្លាក់កីឡាករអាមេរិក Nicolas Moreno de Alboran៕

អត្ថបទទាក់ទង

កីឡាករលេខ១ពិភពលោក Novak Djokovic ឡើងដល់វគ្គ៨នាក់ចុងក្រោយ ការប្រកួតវាយកូនបាល់កម្មវិធី Geneva Open 2024

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស