ខ្សែបម្រើអាល្លឺម៉ង់ Toni Kroos ប្រកាសចូលនិវត្តន៍ក្រោយចប់ព្រឹត្តិការណ៍ UEFA Euro 2024

EURO
May 23rd, 2024 (11 months)
576 Views
Share

ខ្សែបម្រើ Toni Kroos សញ្ជាតិអាល្លឺម៉ង់ វ័យ ៣៤ ឆ្នាំ នឹងចូលនិវត្តន៍បន្ទាប់ពីព្រឹត្តិការណ៍ពានរង្វាន់ជើងឯកទ្វីបអឺរ៉ុបឆ្នាំ ២០២៤។ នេះបើយោងតាមការប្រកាសរបស់ខ្សែបម្រើក្លិប Real Madrid កាលពីថ្ងៃអង្គារ ដោយបន្ថែមថា ការប្រកួតវគ្គផ្តាច់ព្រ័ត្រ ពានរង្វាន់ UEFA Champions League នៅខែក្រោយ ជាមួយ Borussia Dortmund នឹងក្លាយជាការប្រកួតចុងក្រោយរបស់គាត់សម្រាប់ក្លិបអេស្ប៉ាញនេះផងដែរ។

Kroos បាននិយាយនៅក្នុងសេចក្តីថ្លែងការណ៍មួយថា៖ “អាជីពរបស់ខ្ញុំជាកីឡាករបាល់ទាត់ នឹងបញ្ចប់នៅរដូវក្តៅនេះបន្ទាប់ពីព្រឹត្តិការណ៍ Euro។ ដូចដែលខ្ញុំតែងតែនិយាយថា៖ Real Madrid គឺជាក្លិបចុងក្រោយរបស់ខ្ញុំ។

ថ្ងៃទី១៧ ខែកក្កដា ឆ្នាំ២០១៤ ដែលជាថ្ងៃខ្ញុំចូលរួមជាមួយក្លិប Real Madrid គឺជាថ្ងៃដែលបានផ្លាស់ប្តូរជីវិតរបស់ខ្ញុំ។ មិនត្រឹមតែជីវិតរបស់ខ្ញុំក្នុងនាមជាកីឡាករបាល់ទាត់ប៉ុណ្ណោះទេ ប៉ុន្តែជាពិសេសក្នុងនាមជាមនុស្សម្នាក់។

វាគឺជាការចាប់ផ្តើមនៃជំពូកថ្មីមួយនៅក្លិបដ៏ធំបំផុតនៅលើពិភពលោក។ បន្ទាប់ពីរយៈពេល ១០ ឆ្នាំមក ចុងបញ្ចប់នៃរដូវកាលនេះវានេះបានមកដល់ទីបញ្ចប់។ ខ្ញុំនឹងមិនភ្លេចទសវត្សរ៍ដ៏គួរឱ្យរំភើប និងជោគជ័យនេះឡើយ!”។

Kroos បានបង្ហាញខ្លួនចំនួន ៤៦៣ លើកសម្រាប់ក្លិប ចាប់តាំងពីចូលរួមនៅក្នុងឆ្នាំ ២០១៤ ហើយនឹងចាកចេញក្នុងនាមជាកីឡាករដែលជោគជ័យបំផុតក្នុងប្រវត្តិសាស្ត្រ ១២០ ឆ្នាំរបស់ Real ដោយឈ្នះពានរង្វាន់ច្រើនជាង ២០ ពាន រួមទាំងពានរង្វាន់អឺរ៉ុបចំនួន ៤ ពានផងដែរ។

បន្ថែមពីលើពានរង្វាន់ដែលបានឈ្នះជាមួយ Real ខ្សែបម្រើរូបនេះបានឈ្នះពានរង្វាន់បាល់ទាត់ពិភពលោក FIFA World Cup ឆ្នាំ២០១៤ ជាមួយក្រុមជម្រើសជាតិអាល្លឺម៉ង់ និងជើងឯក UEFA Champions League ១លើកជាមួយក្រុមយក្សអាល្លឺម៉ង់ Bayern Munich ក្នុងឆ្នាំ២០១៣៕

“ព្រឹត្តិការណ៍ UEFA Euro 2024, ក្រុមហ៊ុន CBS ដែលមាន CTN, MyTV និង CNC ទទួលសិទ្ធិផ្សាយបន្តផ្ទាល់ផ្ដាច់មុខនៅកម្ពុជា”

អត្ថបទទាក់ទង

ខ្សែបម្រើអាល្លឺម៉ង់ Toni Kroos ប្រកាសចូលនិវត្តន៍ក្រោយចប់ព្រឹត្តិការណ៍ UEFA Euro 2024

ព្រឹត្តិការណ៍ប្រចាំទ្វីបអឺរ៉ុប UEFA Euro 2024