ក្រុមហ៊ុនអាមេរិក Oaktree Capital ឡើងធ្វើជាម្ចាស់គ្រប់គ្រងក្លិប Inter Milan

បាល់ទាត់
May 24th, 2024 (2 years)
719 Views
Share

ក្រុមហ៊ុនមូលនិធិវិនិយោគអាមេរិក Oaktree Capital ឡើងធ្វើជាម្ចាស់គ្រប់គ្រងក្លិប Inter Milan ជំនួសម្ចាស់ភាគហ៊ុនភាគធំរបស់ចិនវិញ បន្ទាប់ពីខកខានការទូទាត់ប្រាក់ប្រមាណ ៣៩៥លានអឺរ៉ូ ចូលទៅក្នុងក្លិប។

ដំបូងឡើយប្រាក់កម្ចីសង្រ្គោះបន្ទាន់ ត្រូវធានាដោយភាគហ៊ុនដែលមានក្នុងក្លិប Inter Milan ដោយផ្ទាល់ ហើយក្រុមហ៊ុនវិនិយោគ Oaktree ជាអ្នកផ្តល់ប្រាក់កម្ចីកាលពីឆ្នាំ ២០២១ ទៅកាន់ក្រុមហ៊ុនផលិតរថយន្តដ៏ប្រណីតរបស់ប្រទេសចិនឈ្មោះថា Suning ដែលបានកាន់កាប់ភាគហ៊ុនច្រើនជាងគេរបស់ក្លិប Inter Milan។

បន្ទាប់ពីម្ចាស់ភាគហ៊ុនធំចិន យឺតយ៉ាវក្នុងការទូទាត់ប្រាក់សំណង ទើបបានជាក្រុមហ៊ុន Oaktree ដែលជាអ្នកជំនាញខាងផ្តល់ប្រាក់កម្ចីមូលនិធិសង្គ្រោះបន្ទាន់ ដល់ក្រុមហ៊ុនដែលជួបការលំបាក មានឱកាសក្នុងការកាន់កាប់ក្លិបជើងឯកលីគកំពូលអ៊ីតាលី Serie A បន្ទាប់ពីម្ចាស់ភាគហ៊ុនភាគច្រើន បានបង្កកំហុសឆ្គង។

Inter Milan នៅក្នុងទីលានប្រកួតបានបង្ហាញពីភាពជោគជ័យយ៉ាងខ្លាំងដោយការឈ្នះពានរង្វាន់លីគកំពូលអ៊ីតាលី លើកទី២០ របស់ខ្លួន ក្នុងរដូវកាល ២០២៣-២៤។ ប៉ុន្តែផ្ទុយស្រឡះពីក្នុងទីលាន ផ្ទៃក្នុងក្លិបមានភាពចលាចល ទៅលើបញ្ហាប្រាក់វិនិយោគពីម្ចាស់ភាគហ៊ុនភាគច្រើនដែលជាក្រុមហ៊ុនរថយន្តរបស់ចិន Suning។ កាលពីឆ្នាំ ២០១៦ ក្រុមហ៊ុន Suning ជាម្ចាស់ភាគហ៊ុនដ៏ធំមួយប្រចាំក្លិប Inter Milan ដោយការវិនិយោគនោះគឺស្ថិតក្រោមគម្រោងការបណ្តាក់ទុនវិនិយោគលើក្លិបបាល់ទាត់នៅអឺរ៉ុបរបស់ប្រទេសចិន។

ចាប់តាំងពីពេលបញ្ហាជំងឺកូវីដ-១៩ បានផ្ទុះឡើង អាជ្ញាធរចិនបានកាត់បន្ថយការចំណាយក្រៅប្រទេសទៅលើវិស័យកីឡា ហើយក្រុមហ៊ុន Suning ជួបវិបត្តិហិរញ្ញវត្ថុធ្ងន់ធ្ងរ។ បញ្ហាហិរញ្ញវត្ថុ ជំរុញឱ្យក្រុមហ៊ុន Suning កាលពី ៣ឆ្នាំ មុនខ្ចីកញ្ចប់ហិរញ្ញប្បទានសង្គ្រោះបន្ទាន់ ចំនួន ២៧៥លានអឺរ៉ូ ដោយមានការប្រាក់ប្រមាណ ១២ភាគរយ ពីខាងក្រុមហ៊ុន Oaktree ដែលបានជួយ Inter ទប់ទល់នឹងវិបត្តិជំងឺរាតត្បាតកូវីដ-១៩។

យ៉ាងណា កាលពីពេលថ្មីនេះ នៅក្នុងសំបុត្រដែលផ្ញើរទៅកាន់ក្រុមអ្នកគាំទ្រ បានចេញផ្សាយនៅលើគេហទំព័រក្លិបកាលពីសប្តាហ៍មុន ប្រធានក្លិបលោក Steven Zhang វ័យ ៣២ឆ្នាំ ជាកូនប្រុសរបស់ស្ថានិកក្រុមហ៊ុន Suning បានប្រមាណពីអស្ថិរភាពរបស់ក្លិប គឺស្ថិតក្នុងហានិភ័យ ខណៈការស្វែងរកកិច្ចព្រមព្រៀងជាមួយ Oaktree បរាជ័យ៕

អត្ថបទទាក់ទង

ក្រុមហ៊ុនអាមេរិក Oaktree Capital ឡើងធ្វើជាម្ចាស់គ្រប់គ្រងក្លិប Inter Milan

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស