Many Pacquiao ព្រមព្រៀងទទួលការប្រកួតជាមួយម្ចាស់ខ្សែក្រវាត់ទម្ងន់សង្វៀន RIZIN Chihiro Suzuki

ប្រដាល់
June 10th, 2024 (4 months)
758 Views
Share

Many Pacquiao បានព្រមព្រៀងទទួលការប្រកួតជាមួយម្ចាស់ខ្សែក្រវាត់ទម្ងន់សង្វៀន RIZIN Chihiro Suzuki ក្នុងទម្ងន់ ១៥០ផោន ដោយកម្មវិធីធ្វើឡើងនៅថ្ងៃទី ២៨ សីហា ឆ្នាំ២០២៤។

យោងតាមព័ត៌មាន ក៏បញ្ជាក់ថា ការប្រកួតចំនួន ៣ទឹក និង ១ទឹកមានរយៈពេល ៣នាទី ក្នុងកម្មវិធីឈ្មោះថា Super RIZIN 3 នាប្រទេសជប៉ុន។

Pacquiao បានចូលនិវត្តន៍ពីការប្រកួតប្រដាល់សកលអាជីព ក្រោយចាញ់ Yordenis Ugas ក្នុងឆ្នាំ ២០២១ ប៉ុន្តែអតីតសមាជិសភាហ្វីលីពីនខាងលើ បានបង្ហាញមុខសារជាថ្មី នៅឆ្នាំ ២០២២ ដោយប្រកួតឈ្នះ YouTuber ជនជាតិកូរ៉េខាងត្បូង DK Yoo ដោយពិន្ទុឯកចន្ទៈ ក្នុងការប្រកួតលក្ខណៈពិពរព័ណ រយៈពេលប្រកួត ៦ទឹក។

ចំណែក Suzuki វិញ ៩ប្រកួតចុងក្រោយ អ្នកប្រដាល់សេរីនិងគុនចម្រុះមិនទាន់ស្គាល់ពាក្យថា ចាញ់នៅឡើយទេ។ បច្ចុប្បនេះ គេកំពុងកាន់កាប់កំពូលតារាងជើងខ្លាំងប្រចាំស្ថាប័ន RIZIN បន្ទាប់ពីកីឡាករជប៉ុនប្រជែងឈ្នះខ្សែក្រវាត់និងឡើងការពារបានសម្រេច។

គិតត្រឹមពេលនេះ Many Pacquiao មានវ័យ ៤៥ឆ្នាំ ចំណែក Chihiro Suzuki មានអាយុត្រឹមតែ ២៥ឆ្នាំប៉ុណ្ណោះ៕

អត្ថបទទាក់ទង

Many Pacquiao ព្រមព្រៀងទទួលការប្រកួតជាមួយម្ចាស់ខ្សែក្រវាត់ទម្ងន់សង្វៀន RIZIN Chihiro Suzuki

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស