កីឡដ្ឋាន Volksparkstadion ត្រៀមរួចរាល់សម្រាប់ព្រឹត្តិការណ៍ UEFA Euro 2024

EURO
June 11th, 2024 (8 months)
504 Views
Share

កីឡដ្ឋាន Volksparkstadion ដែលស្ថិតក្នុងទីក្រុង Hamburg ភាគខាងជើងប្រទេសអាល្លឺម៉ង់ បានត្រៀមរួចរាល់ សម្រាប់ការប្រកួតបាល់ទាត់ព្រឹត្តិការណ៍ UEFA Euro 2024។

ជាការពិត កីឡដ្ឋាន ដែលជាផ្ទះរបស់ក្លិបបាល់ទាត់ Hamburger SV ជាកីឡដ្ឋានមួយ ក្នុងចំណោមកីឡដ្ឋានទាំង ១០ ដែលម្ចាស់ផ្ទះអាល្លឺម៉ង់បានជ្រើសរើសជាទីតាំងរៀបចំការប្រកួត។

កីឡដ្ឋាន Volksparkstadion បានបើកដំណើរការតាំងពីឆ្នាំ ១៩៥៣មក និងបានធ្វើការជួសជុលអភិវឌ្ឈន៍នៅឆ្នាំ១៩៩៨ ដោយវាមានសមត្ថភាពផ្ទុក អ្នកទស្សនាដល់ទៅ ៥៧០០០កៅអី ។

កីឡដ្ឋានមួយនេះ ក៏ធ្លាប់បានដំណើរការព្រឹត្តិការណ៍ប្រកួតបាល់ទាត់ធំៗជាច្រើនមកហើយ ដូចជា FIFA World Cup 1974, UEFA Euro 1988, FIFA World Cup 2006 និង UEFA Europa League 2010 ផងដែរ។

សម្រាប់ព្រឹត្តិការណ៍ UEFA Euro 2024 នេះ កីឡដ្ឋាន Volksparkstadion នឹងដំណើរការការប្រកួតចំនួន ៥ ប្រកួត គឺការប្រកួតរបស់ប៉ូឡូញ ទល់នឹង ហូឡង់ក្នុងពូល D, ការប្រកួតរបស់ក្រូអាតទល់នឹងអាល់បានី ក្នុងពូល B, ការប្រកួតរបស់ហ្សក់ហ្ស៊ី ទល់នឹង ឆេក និងការប្រកួតរបស់ឆេកទលើនឹងទួរគីក្នុងពូល F រួមទាំងការប្រកួតវគ្គ៨ក្រុមចុងក្រោយ១ប្រកួត។

សូមបញ្ជាក់ថា UEFA Euro 2024 នឹងដំណើរការនាប្រទេសអាល្លឺម៉ង់ ដោយការប្រកួតនឹងធ្វើឡើងចាប់ពីថ្ងៃទី ១៤ ខែមិថុនា ដល់ ១៤ ខែកក្កដា ខាងមុខ ដោយការប្រកួតក៏នឹងមានផ្សាយបន្តផ្ទាល់លើកញ្ចក់ទូរទស្សន៍របស់ CBS ដែលមាន CTN CNC និង MYTV ផងដែរ៕

អត្ថបទទាក់ទង

កីឡដ្ឋាន Volksparkstadion ត្រៀមរួចរាល់សម្រាប់ព្រឹត្តិការណ៍ UEFA Euro 2024

ព្រឹត្តិការណ៍ប្រចាំទ្វីបអឺរ៉ុប UEFA Euro 2024