អាល្លឺម៉ង់ប្រើបច្ចេកវិទ្យាទំនើបដើម្បីទម្លាក់ដ្រូនឈ្លានពានកីឡដ្ឋានសម្រាប់ព្រឹត្តិការណ៍ UEFA Euro 2024

EURO
June 13th, 2024 (11 months)
965 Views
Share

អាល្លឺម៉ង់ បានប្រកាសថា កីឡដ្ឋានសម្រាប់រៀបចំការប្រកួតបាល់ទាត់ទ្វីបអឺរ៉ុប UEFA Euro 2024 ចំនួន ១០ គឺជាតំបន់គ្មានដ្រូន ហើយខ្លួននឹងរឹតបន្តឹងការចរាចរណ៍ផ្លូវអាកាស ក្នុងអំឡុងពេលការប្រកួតរយៈពេលមួយខែពេញ។

កាលពីពេលថ្មីៗនេះ អាជ្ញាធរអាល្លឺម៉ង់ បានបង្ហាញពីឧបករណ៍ដ៏ទំនើបមួយ ដែលអាចទាញទម្លាក់ដ្រូន ដើម្បីជាការបង្ការនូវការបង្ហោះដ្រូនដែលខុសច្បាប់ នៅក្នុងកីឡដ្ឋានសម្រាប់ការប្រកួតបាល់ទាត់ទ្វីបអឺរ៉ុប Euro ឆ្នាំ២០២៤ ។ ឧបករណ៍នេះ មិនបានទម្លាក់ដោយគ្រាប់ពិតនោះទេ ប៉ុន្តែវាអាចរារាំងរលកសញ្ញាពីឧបករណ៍ដែលបញ្ជាដ្រូនពីចម្ងាយ ដើម្បីទាញទម្លាក់ដ្រូនមកលើផ្ទៃដី។

អាជ្ញាធរអាល្លឺម៉ង់ បាននិយាយថា មានតែដ្រូនរបស់ប៉ូលិស និងក្រុមជួយសង្គ្រោះប៉ុណ្ណោះ ដែលនឹងត្រូវលើកលែង ហើយជនល្មើសដែលបង្ហោះដ្រូនក្នុងតំបន់ហាមឃាត់ នឹងអាចជាប់ពន្ធនាគាររហូតដល់ ១០ ឆ្នាំ។

អាជ្ញាធរអាល្លឺម៉ង់បានបន្ថែមថា បទប្បញ្ញត្តិនេះ គឺមានសារសំខាន់ក្នុងគោលបំណងកាត់បន្ថយហានិភ័យដែលអាចកើតមានលើកីឡាករ ទស្សនិកជន និងសុវត្ថិភាពទូទៅ។

ព្រឹត្តិការណ៍បាល់ទាត់ទ្វីបអឺរ៉ុប UEFA Euro 2024 ប្រព្រឹត្តទៅពីថ្ងៃទី១៤ ខែមិថុនា ដល់ថ្ងៃទី១៤ ខែកក្កដា ឆ្នាំ២០២៤។ ក្រុមហ៊ុន CBS ទទួលសិទ្ធិផ្សាយបន្តផ្ទាល់ផ្ដាច់មុខព្រឹត្តិការណ៍នេះ នៅក្នុងប្រទេសកម្ពុជា៕

អត្ថបទទាក់ទង

អាល្លឺម៉ង់ប្រើបច្ចេកវិទ្យាទំនើបដើម្បីទម្លាក់ដ្រូនឈ្លានពានកីឡដ្ឋានសម្រាប់ព្រឹត្តិការណ៍ UEFA Euro 2024

ព្រឹត្តិការណ៍ប្រចាំទ្វីបអឺរ៉ុប UEFA Euro 2024