អតីតគ្រូបង្វឹក Lille លោក Paulo Fonseca ត្រូវបានតែងតាំងជាគ្រូបង្វឹកថ្មី AC Milan

បាល់ទាត់
June 14th, 2024 (2 years)
719 Views
Share

ក្លិប AC Milan បានសម្រេចតែងតាំងលោក Paulo Fonseca មកជាគ្រូបង្វឹកថ្មី របស់ពួកគេ។ នេះបើតាមការប្រកាសអោយដឹងពីក្លិបនៅក្របខណ្ឌ Serie A។

បុរសជនជាតិព័រទុយហ្កាល់វ័យ៥១ឆ្នាំ ដែលបានដឹកនាំក្លិបបារាំង Lille ពីឆ្នាំ ២០២២-២០២៤ បានចុះកិច្ចសន្យារយៈពេល៣ឆ្នាំ ពោលគឺដល់ឆ្នាំ២០២៧ ក្នុងការដឹកនាំនាទឹកដី San Siro។

លោក Paulo Fonseca បានកាន់ការងារនៅ ក្លិប AC Milan ជំនួសកន្លែងរបស់លោក Stefano Pioli ដែលបានចាកចេញ ក្រោយចប់រដូវកាល២០២៣-២៤ ដោយលោកបានជួយក្លិប បញ្ចប់ក្នុងចំណាត់ថ្នាក់លេខ២ មាន១៩ពិន្ទុពីក្រោមក្រុមជើងឯក Inter Milan និងទទួលបានកៅអី UEFA Champions League រដូវកាលក្រោយ។

សម្រាប់លោក Paulo Fonseca វ័យ ៥១ ឆ្នាំ វិញ បានចាកចេញពីក្លិប Lille បន្ទាប់ពីពួកគេបានបញ្ចប់ចំណាត់ថ្នាក់លេខ៤ នៅក្របខណ្ឌ Ligue 1 ដោយរបូតឱកាសទទួលបានកៅអីស្វ័យប្រវត្តិទៅកាន់ពានរង្វាន់ Champions League។ Lille ក៏បានចាញ់ Aston Villa នៅវគ្គ៨ក្រុមចុងក្រោយ Europa Conference League ផងដែរ។

ទោះយ៉ាងណា ក្លិប AC Milan បាននិយាយនៅក្នុងសេចក្តីថ្លែងការណ៍មួយពីភាពរីករាយនិងភាពជឿជាក់ថា លោក Paulo Fonseca នឹងអាចដឹកនាំក្លិបទទួលបានលទ្ធផលល្អសម្រាប់ការប្រកួតរដូវកាលថ្មីខាងមុខ។

លោក Paulo Fonseca បានបទពិសោធដឹកនាំក្លិបជាច្រើន ដោយក្នុងនោះមានក្លិបធំៗដូចជា Porto, Shakhtar Donetsk, Roma និង Lille នេះ៕

អត្ថបទទាក់ទង

អតីតគ្រូបង្វឹក Lille លោក Paulo Fonseca ត្រូវបានតែងតាំងជាគ្រូបង្វឹកថ្មី AC Milan

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស