UEFA Euro 2024៖ មកចាប់អារម្មណ៍២គូ រវាង អេស្ប៉ាញVsក្រូអាត យប់នេះ និងស៊ែប៊ីVsអង់គ្លេស យប់ស្អែក ផ្សាយបន្តផ្ទាល់ផ្ដាច់មុខនៅ MyTV ហ្វេសប៊ុកនិងយូធូប CBS Sports

EURO
June 15th, 2024 (11 months)
1783 Views
Share

ក្រុមហ៊ុន CBS នឹងផ្សាយបន្តផ្ទាល់ផ្ដាច់មុខ ការប្រកួតរវាង អេស្ប៉ាញ ទល់នឹង ក្រូអាត ចាប់ពីម៉ោង ១១:០០ នាទីយប់នេះតទៅ ហើយរំលង១ថ្ងៃ ការប្រកួតរវាង ស៊ែប៊ី ទល់នឹង អង់គ្លេស ចាប់ពីម៉ោង ២រំលងអធ្រាត្រឈានចូលថ្ងៃទី១៧ ខែមិថុនា។ ការប្រកួតទាំងពីរ ផ្សាយបន្តផ្ទាល់ផ្ដាច់មុខនៅលើកញ្ចក់ទូរទស្សន៍ MyTV ហ្វេសប៊ុកនិងយូធូប CBS Sports ។

អេស្ប៉ាញ Vs ក្រូអាត ថ្ងៃទី១៥ ខែមិថុនា ម៉ោង ១១:០០ នាទីយប់ នៅ MyTV ហ្វេសប៊ុកនិងយូធូប CBS Sports

អេស្ប៉ាញ ដែលកំពុងស្វែងរកការឈ្នះពានរង្វាន់ EURO ជាលើកទី៤ ចាប់ផ្តើមភារកិច្ចដ៏លំបាកមួយទល់នឹង ក្រូអាត ដែលពួកគេបានយកឈ្នះដោយបាល់ប៉េណាល់ទីដើម្បីក្លាយជាជើងឯកពានរង្វាន់ Nations League កាលពីឆ្នាំមុន។ ក្រុមរបស់លោក Luis de la Fuente បានទទួលជ័យជម្នះក្នុងការប្រកួតមិត្តភាពកម្ដៅសាច់ដុំជាមួយក្រុមអង់ដូរ៉ា និងអៀរឡង់ខាងជើង ដោយខ្សែប្រយុទ្ធរបស់ក្រុម Real Sociedad, Mikel Oyarzabal បានធ្វើឱ្យមានការចាប់អារម្មណ៍ជាមួយនឹងគ្រាប់បាល់ចំនួន ៤ គ្រាប់ក្នុងការប្រកួតទាំងពីរ។

សម្រាប់ក្រុមជម្រើសជាតិក្រូអាតរបស់លោក Zlatko Dalić មានកីឡាករ Luka Modrić ជាប្រធានក្រុម ដែលជាខ្សែបម្រើដ៏ឆ្នើមដែលនឹងបង្ហាញខ្លួននៅ EURO ជាលើកទី៥របស់គាត់។ កីឡាករ Joško Gvardiol និង Mateo Kovačić របស់ Manchester City ជាកីឡាករដែលគួរឱ្យចាប់អារម្មណ៍របស់ក្រូអាត ដែលទទួលជ័យជម្នះដ៏គួរឱ្យចាប់អារម្មណ៍លើក្រុមព័រទុយហ្គាល់ ក្នុងការប្រកួតមិត្តភាព កាលពីសប្តាហ៍មុន។

ក្រុមទាំងពីរ បានប្រកួតគ្នានៅព្រឹត្តិការណ៍ EURO 2020 ខណៈដែលអេស្ប៉ាញយកឈ្នះក្រូអាតោដយលទ្ធផល ៥-៣ បន្ទាប់ពីម៉ោងបន្ថែម។

ស៊ែប៊ី Vs អង់គ្លេស ថ្ងៃទី១៧ ខែមិថុនា ម៉ោង ២:០០ នាទីរំលងអធ្រាត្រ នៅ MyTV ហ្វេសប៊ុកនិងយូធូប CBS Sports

ខ្សែប្រយុទ្ធ Aleksander Mitrović ស៊ុតបញ្ចូលទីបានច្រើនគ្រាប់ក្នុងក្របខណ្ឌ Premier League ពេលលេងនៅ Newcastle និង Fulham ខណៈពេលដែល Dušan Tadić បានចំណាយពេលជាច្រើនឆ្នាំនៅ Southampton ។ ក្រុមទាំងពីរប្រកួតគ្នាជាលើកដំបូង ចាប់តាំងពីប្រទេសស៊ែប៊ីក្លាយជាប្រទេសឯករាជ្យ ប៉ុន្តែគ្រូបង្វឹករបស់អង់គ្លេស លោក Gareth Southgate ត្រូវប្រុងប្រយ័ត្នពីសមត្ថភាពបាល់តែតរបស់ស៊ែប៊ី ជាក់ស្ដែង មួយភាគបីនៃគ្រាប់បាល់ចំនួន ១៥គ្រាប់របស់ពួកគេកាលពីវគ្គជម្រុះគឺជាបាល់តែត។

អង់គ្លេស ដែលជាជើងឯករងនៅព្រឹត្តិការណ៍ EURO 2020 មានការខកចិត្តក្រោយស៊ុតបាល់ប៉េណាល់ទីចាញ់អ៊ីតាលី។ ពួកគេបានចាញ់តែ ១ ប្រកួតប៉ុណ្ណោះក្នុងចំណោម ១៨ ប្រកួតរបស់ពួកគេនៅ Euro ដោយឈ្នះ១០ លើក និងស្មើ ៧លើក ។ មានការរំពឹងទុកគឺខ្ពស់ លើខ្សែបម្រើ Jude Bellingham របស់ Real Madrid ដែលឈ្នះពានស្បែកជើងមាសនៅ La Liga និង Phil Foden របស់ Man City ដែលជាពានកីឡាករឆ្នើមប្រចាំរដូវកាលនៅ Premier League កាលពីពេលថ្មីៗនេះ៕

អត្ថបទទាក់ទង

ព្រឹត្តិការណ៍ប្រចាំទ្វីបអឺរ៉ុប UEFA Euro 2024