Marseille នាំយកអតីតគ្រូបង្វឹក Brighton លោក Roberto De Zerbi មកជាគ្រូបង្វឹកថ្មីរបស់ខ្លួន

បាល់ទាត់
June 25th, 2024 (11 months)
632 Views
Share

ក្លិប Olympique de Marseille បានឈានដល់កិច្ចព្រមព្រៀងក្នុងការនាំយកលោក Roberto De Zerbi មកកាន់តំណែងជាគ្រូបង្វឹកថ្មីរបស់ខ្លួន។ នេះបើតាមការប្រកាសពីក្លិបនៅក្របខណ្ឌ Ligue 1។
បុរសសញ្ជាតិអ៊ីតាលី វ័យ៤៥ឆ្នាំ បានចាកចេញពីក្លិប Brighton នៅក្របខណ្ឌ Premier League ក្រោយដឹកនាំាំក្លិបបាន២ឆ្នាំ។

សម្រាប់ការទៅកាន់ការងារនៅទឹកដី Stade Vélodrome លោក Roberto De Zerbi នឹងមកជំនួសតំណែងលោក Jean-Louis Gasset ដែលបានចូលនិវត្តន៍ ក្រោយចប់រដូវកាល។

លោក Roberto De Zerbi បានចូលរួមជាមួយក្លិប Brighton ក្រោយចាកចេញពីក្លិបអ៊ុយក្រែន Shakhtar Donetsk នៅក្នុងឆ្នាំ២០២២ ដោយចុះកិច្ចសន្យារយៈពេល៤ឆ្នាំ។ លោកបានជួយ Brighton បញ្ចប់ក្នុងចំណាត់ថ្នាក់លេខ៦ នៅក្របខណ្ឌ Premier League រដូវកាល ២០២២-២៣ ដែលជាចំណាត់ថ្នាក់ខ្ពស់បំផុតរបស់ក្លិបធ្លាប់ទទួលបាន រួមទាំងកៅអីទៅលេងពានរង្វាន់អឺរ៉ុប UEFA Europa League ជាលើកដំបូងក្នុងប្រវត្តិសាស្ត្ររបស់ក្លិប។ រីឯនៅរដូវកាល ២០២៣-២៤ កន្លងទៅ លោក Roberto De Zerbi បានដឹកនាំក្លិបបញ្ចប់ក្នុងចំណាត់ថ្នាក់លេខ ១១ នៅលីគកំពូលអង់គ្លេស មុនពេលព្រមព្រៀងបញ្ចប់កុងត្រាជាមួយក្លិប Brighton។

សម្រាប់ក្លិប Marseille បានបញ្ចប់ការប្រកួតក្របខណ្ឌ Ligue 1 រដូវកាលមុន ក្នុងចំណាត់ថ្នាក់លេខ៨ ដែលចំណាត់ថ្នាក់ទាបបំផុតរបស់ពួកគេចាប់តាំងពីឆ្នាំ ២០១៦មក។ Marseille សង្ឃឹមថា ការនាំយក Roberto De Zerbi មកដឹកនាំ នឹងអាចជួយស្រោចស្រង់ ស្ថានភាពរបស់ក្លិប អោយមានភាពល្អប្រសើរជាងមុន៕

អត្ថបទទាក់ទង

Marseille នាំយកអតីតគ្រូបង្វឹក Brighton លោក Roberto De Zerbi មកជាគ្រូបង្វឹកថ្មីរបស់ខ្លួន

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស