×

Zidane៖ Benzema សមនឹងទទួលបានពានរង្វាន់ Ballon d’Or

លោក Zinedine Zidane អតីតគ្រូបង្វឹកក្លិប Real Madrid បានគាំទ្រអតីតខ្សែប្រយុទ្ធរបស់ខ្លួន ពោលគឺ កីឡាករ Karim Benzema ដើម្បីឈ្នះពានរង្វាន់បុគ្គលឆ្នើមក្នុងបាល់ទាត់ពិភពលោក 2021 Ballon d’Or ។

Zidane បានប្រាប់សារព័ត៌មានមួយថា៖“ Karim ស្ថិតក្នុងទម្រង់លេងល្អ។ ខ្ញុំនឹងផ្តល់ឱ្យគាត់នូវពានរង្វាន់ Ballon d’Or ។ គាត់សមនឹងទទួលបានវា”។

“Benzema សមនឹងទទួលបាន គាត់គឺជាកីឡាករដ៏អស្ចារ្យ ខ្ញុំមានកិត្តិយសណាស់ដែលបានបង្វឹកគាត់។”

លោក Zidane បានបន្ថែមថា៖ “គាត់ដឹងពីរបៀបធ្វើអ្វីៗគ្រប់យ៉ាងនៅលើទីលាន។”

លោក Zidane មិនមែនជាជនជាតិបារាំងតែម្នាក់ដែលមានកេរ្តិ៍ឈ្មោះ ដែលបានគាំទ្រ Benzema នោះទេ សូម្បីតែអតីតគ្រូបង្វឹកក្រុមកាំភ្លើងធំ Arsenal លោក Arsene Wenger ក៏ជឿជាក់ផងដែរថា ខ្សែប្រយុទ្ធឆ្នើមរបស់ក្រុម Real Madrid សមនឹងទទួលបានពានរង្វាន់នេះ។

លោក Wenger បានអត្ថាធិប្បាយថា៖ “បើនិយាយពីទម្រង់លេងរបស់បុគ្គលម្នាក់ៗ និងភាពស្ថិតស្ថិរ Benzema ស្ថិតនៅក្នុងកម្រិតខ្ពស់បំផុត។”

“ភាពមិនច្បាស់លាស់នោះគឺថា តើទម្ងន់នៃពានរង្វាន់នានា នឹងដើរតួនាទីក្នុងការសម្រេចចិត្ត ដែរឬទេ?”

ដោយឡែក ប្រធានក្រុមបារាំង Hugo Lloris ក៏បានសរសើរចំពោះខ្សែប្រយុទ្ធរូបនេះផងដែរ។

កុំភ្លេចរង់ចាំទស្សនា កម្មវិធី CBS Fantasy League ដែលចាក់ផ្សាយរៀងរាល់ថ្ងៃសុក្រ វេលាម៉ោង ២១:០០ – ២២:០០។

សូមជម្រាបជូនថា កម្មវិធី CBS Fanzone ចាក់ផ្សាយរៀងរាល់ថ្ងៃព្រហស្បតិ៍ ម៉ោង ២១:០០ – ២២:០០ នៅលើកញ្ចក់ទូរទស្សន៍ MyTV និងមានចាក់ផ្សាយឡើងវិញនៅលើកញ្ចក់ទូរទស្សន៍ CTN រៀងរាល់ថ្ងៃសៅរ៍ ម៉ោង ២១:០០ – ២២:០០៕

អ្នកអាចចែករំលែកដោយ៖

Loading...
អត្ថបទទាក់ទង