ខ្សែប្រយុទ្ធ Lionel Messi វិលចូលហ្វឹកហាត់វិញ ត្រៀមការប្រកួតអាហ្សង់ទីនទល់នឹងអេក្វាទ័រ ក្នុងពានរង្វាន់ Copa America 2024

បាល់ទាត់
July 3rd, 2024 (3 months)
559 Views
Share

ខ្សែប្រយុទ្ធ Lionel Messi បានវិលត្រឡប់ចូលហ្វឹកហាត់ជាមួយនឹងក្រុមជម្រើសជាតិអាហ្សង់ទីនឡើងវិញហើយ ក្រោយពីបានសម្រាកមួយប្រកួតរួចមក នៅក្នុងព្រឹត្តិការណ៍ Copa America 2024។

ជាការពិត កីឡាករវ័យ៣៧ឆ្នាំ បានចូលលេង២ប្រកួតដំបូងនៅវគ្គចែកពូលគឺការប្រកួតឈ្នះកាណាដា ២-០ និង ឈ្នះ ឈីលី ១-០។ យ៉ាងណា ក្នុងប្រកួតឈ្នះក្រុមឈីលីនោះ Messi បានមានបញ្ហាសាច់ដុំភ្លៅ ដែលទាមទារអោយមានការព្យាបាលរយៈពេលខ្លី។ ដូច្នេះហើយគេបានខកខានការប្រកួតក្នុងជំនួបដែលក្រុមអាហ្សង់ទីនយកឈ្នះដោយលទ្ធផល ២-០ លើក្រុមប៉េរូ នៅក្នុងការប្រកួតចុងក្រោយ នៃវគ្គចែក ពូល A ។

យ៉ាងណា ក្រោយពីការសម្រាករយៈពេលប៉ុន្មានថ្ងៃ សហព័ន្ធបាល់ទាត់អាហ្សង់ទីន ក៏បានចេញសេចក្តីប្រកាសថា Messi បានវិលត្រឡប់ចូលហ្វឹកហាត់ដើម្បីត្រៀមសម្រាប់ការប្រកួត បន្ទាប់ពីរូបគេបានធ្វើតេស្តអំពីបញ្ហារបួសរួចមក។

ដោយឡែក នៅក្នុងការប្រកួតពានរង្វាន់ Copa America ក្នុងឆ្នាំ ២០២៤ នេះ Messi មិនទាន់រកបានគ្រាប់បាល់នៅឡើយសម្រាប់ក្រុមជម្រើសជាតិអាហ្សង់ទីន ហើយក៏លើកដំបូងក្នុងការប្រកួតអន្តរជាតិសម្រាប់រូបគេ។

សូមបញ្ជាក់ថា អាហ្សង់ទីនដែលជាក្រុមការពារជើងឯកពានរង្វាន់ Copa America ឆ្នាំនេះ នឹងត្រូវជួបតទល់នឹងក្រុមអេក្វាទ័រ នៅក្នុងការប្រកួតវគ្គ៨ក្រុមចុងក្រោយ ធ្វើឡើងនាយប់ថ្ងៃទី៤ ខែកក្កដា នាកីឡដ្ឋាន NRG Stadium ស្ថិតនៅទីក្រុង Houston រដ្ឋ Texas សហរដ្ឋអាមេរិក៕

អត្ថបទទាក់ទង

ខ្សែប្រយុទ្ធ Lionel Messi វិលចូលហ្វឹកហាត់វិញ ត្រៀមការប្រកួតអាហ្សង់ទីនទល់នឹងអេក្វាទ័រ ក្នុងពានរង្វាន់ Copa America 2024

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស