ខ្សែប្រយុទ្ធ Cristiano Ronaldo ចង់បន្តលេងនៅ FIFA World Cup 2026 ក្រោយមិនសូវគាប់ប្រសើរនៅ UEFA Euro 2024

EURO
July 4th, 2024 (7 months)
956 Views
Share

ខ្សែប្រយុទ្ធ Cristiano Ronaldo ត្រូវបានរាយការណ៍ថា ចង់បន្តលេងនៅក្នុង ព្រឹត្តិការណ៍ FIFA World Cup 2026 ទៀត បន្ទាប់ពីរូបគេមិនសូវមានភាពគាប់ប្រសើរនៅព្រឹត្តិការណ៍ UEFA Euro 2024។

ជាការពិត UEFA Euro 2024 ជាការបង្ហាញខ្លួនលើកទី ៦ សម្រាប់ Ronaldo ខណៈរូបគេ ក៏ចង់បំបែកកំណត់ត្រាជាកីឡាករដែលរកបានគ្រាប់បាល់ នៅរាល់ការបង្ហាញខ្លួនគ្រប់កម្មវិធីផងដែរ។ យ៉ាងណា ត្រឹមវគ្គចែកពូល រហូតដល់វគ្គ ១៦ក្រុម បានក្លាយជាការប្រកួតលើកដំបូងសម្រាប់ Ronaldo ដែលមិនទាន់រកបានគ្រាប់បាល់។

កាលពីប្រកួតទល់នឹងក្រុមស្លូវេនី ប្រធានក្រុមព័រទុយហ្កាល់ ហៀបនឹងសម្រេចគ្រាប់បាល់ទៅហើយ តែត្រូវខកខានទៅវិញ ដោយការស៊ុតបាល់ពិន័យ ១១ម៉ែត្រត្រូវអ្នកចាំទីសង្គ្រោះបាន។

Ronaldo នៅតែបង្ហាញខ្លួនលេងពេលម៉ោងអោយក្រុមព័រទុយហ្កាល់នៅរាល់ការប្រកួតទាំងអស់ រូបគេបានលេងក្នុង UEFA Euro 2024 ទោះជាបីជាមានវ័យ ៣៩ឆ្នាំ ទៅហើយ។

UEFA Euro 2024 ត្រូវបានគេគិតថានឹងក្លាយជាការបង្ហាញខ្លួនលើកចុងក្រោយរបស់ Ronaldo ក្នុងព្រឹត្តិការណ៍អន្តរជាតិ ហើយមុនធ្វើដំណើរមកអាល្លឺម៉ង់ សាមីកីឡាករ ក៏បានបញ្ជាក់ថាការប្រកួតនេះ ទំនងជាការបង្ហាញខ្លួនលើកចុងក្រោយបង្អស់។ យ៉ាងណា ថ្មីៗនេះ Ronaldo ត្រូវបានរាយការណ៍ថា អាចនឹងបន្តមានវត្តមាននៅ FIFA World Cup 2026 ដើម្បីស្វែងរកកំណត់ត្រាជាច្រើនទៀត។ ការចង់បន្តការប្រកួតនៅពានរង្វាន់ World Cup 2026 របស់ Ronaldo នេះ កើតឡើងក្រោយពេលដែល ក្រុមព័រទុយហ្កាល់ឈ្នះក្រុមស្លូវេនី ដោយបាល់កាត់សេចក្តី ១១ម៉ែត្រ ៣-០ ក្រោយប្រកួតរយៈពេល ១២០នាទី ស្មើគ្នា ០-០ ។

ដោយឡែក Cristiano Ronaldo នឹងត្រូវចូលរួមជាមួយក្រុមព័រទុយហ្កាល់ បន្តការប្រកួត UEFA Euro 2024 វគ្គ៨ក្រុមចុងក្រោយ ទល់នឹងក្រុមបារាំង នាកីឡដ្ឋាន Volksparkstadion ទីក្រុង Hamburg ប្រទេសអាល្លឺម៉ង់ យប់ថ្ងៃសៅរ៍ខាងមុខនេះ៕

អត្ថបទទាក់ទង

ខ្សែប្រយុទ្ធ Cristiano Ronaldo ចង់បន្តលេងនៅ FIFA World Cup 2026 ក្រោយមិនសូវគាប់ប្រសើរនៅ UEFA Euro 2024

ព្រឹត្តិការណ៍ប្រចាំទ្វីបអឺរ៉ុប UEFA Euro 2024