កីឡាករលេខ១ ពិភពលោក Jannik Sinner ឡើងដល់ជុំទី៣ ការប្រកួតវាយកូនបាល់ Wimbledon 2024

កីឡាចម្រុះ
July 4th, 2024 (3 months)
378 Views
Share

កីឡាករលេខ១ពិភពលោក មកពីអ៊ីតាលី Jannik Sinner បានបន្តឡើងដល់ជុំទី៣ នៃការប្រកួតវាយកូនបាល់កម្មវិធី Wimbledon 2024។

ការឡើងមកនេះ បន្ទាប់ពីកីឡាករវ័យ២២ឆ្នាំ បានយកឈ្នះកីឡាករ Matteo Berrettini ជនជាតិអ៊ីតាលី ដូចគ្នា តាមរយៈលទ្ធផល 7-6 7-6 2-6 និង 7-6 នៅក្នុងការប្រកួតជុំទី២។

Jannik Sinner នឹងបន្តទៅជួបកីឡាករសែប Miomir Kecmanović ដែលបានទម្លាក់កីឡាករហូឡង់ Tallon Griekspoor។

ងាកមកកាន់ការប្រកួតខាងផ្នែកនារីវិញ កីឡាការិនីអ៊ីតាលី Jasmine Paolini ក៏បានបន្តឡើងទៅកាន់ការប្រកួតជុំទី៣ ដែរ ក្រោយយកឈ្នះកីឡាការិនីបែឡហ្ស៊ីក Greet Minnen នៅក្នុងការប្រកួតជុំទី២ ដោយលទ្ធផល 7-5 និង 6-2។

កីឡាការិនី Jasmine Paolini នឹងបន្តជួបកីឡាការិនីកាណាដា Bianca Andreescu ដែលបានយកឈ្នះកីឡាការិនីឆេក Linda Nosková។

មួយគូទៀតគឺកីឡាការិនីក្រិច Maria Sakkari បានយកឈ្នះកីឡាការិនី ហូឡង់ Arantxa Rus នៅក្នុងជុំទី២ ដោយលទ្ធផល 7-5 និង 6-3។

Maria Sakkari នឹងបន្តឡើងជុំទី៣ជួបកីឡាការិនីម្ចាស់ផ្ទះអង់គ្លេស Emma Raducanu ដែលបានទម្លាក់កីឡាការិនីបែលហ្ស៊ីក Elise Mertens៕

អត្ថបទទាក់ទង

កីឡាករលេខ១ ពិភពលោក Jannik Sinner ឡើងដល់ជុំទី៣ ការប្រកួតវាយកូនបាល់ Wimbledon 2024

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស