×

Bayern Munich នាំយកខ្សែបម្រើ Michael Olise ពី Crystal Palace តម្លៃ ៦០លានអឺរ៉ូ

ក្លិប Bayern Munich នៅលីគកំពូលអាល្លឺម៉ង់ បានចុះហត្ថលេខានាំយកខ្សែបម្រើ Michael Olise ពីក្លិប Crystal Palace នៅលីគកំពូលអង់គ្លេស ក្នុងតម្លៃកិច្ចព្រមព្រៀងប្រមាណ ៦០លានអឺរ៉ូ លើកិច្ចសន្យាកុងត្រារយៈពេល៥ឆ្នាំ រហូតដល់ឆ្នាំ ២០២៩។

តម្លៃខ្លួនរបស់ Michael Olise បានធ្វើអោយរូបគេស្ថិតក្នុងចំណោមកីឡាករដែល Bayern Munich បានចំណាយក្នុងការទិញយកក្នុងតម្លៃខ្ពស់បំផុតក្នុងប្រវត្តិសាស្ត្ររបស់ក្លិប ដោយស្ថិតក្នុងចំណាត់ថ្នាក់លេខ៤។

ជាមួយនឹងតម្លៃមួយនេះ Olise ជាកីឡាករដែលមានតម្លៃខ្ពស់ជាងគេ ដែល Bayern Munich ចំណាយលុយទិញយកផងដែរក្នុងរដូវកាលថ្មី។

កីឡាករសញ្ជាតិបារាំង វ័យ២២ឆ្នាំ បានលេងអោយក្រុមឈុតធំ Reading តាំងពីឆ្នាំ២០១៨មក ដោយចូលលេងបាន ១៦៣ប្រកួត និងស៊ុតចូល ២៣គ្រាប់ មុនទៅចូលរួម Crystal Palace ។ លេងនៅទឹកដី Selhurst Park នោះ Michael Olise បានបង្ហាញខ្លួន ៩០ដង ស៊ុតបាន១៦គ្រាប់ក្នុងការប្រកួតទាំងអស់ក្នុងរយៈពេល ៣រដូវកាល ។

មិនតែប៉ុណ្ណោះ Michael Olise ត្រូវបានជ្រើសរើស ដើម្បីជួយក្រុមជម្រើសជាតិបារាំង សម្រាប់ការប្រកួតកីឡាអូឡាំពិក ដែលនឹងត្រូវចាប់ផ្តើមនៅទីក្រុងប៉ារីសនាពេលឆាប់ៗ៕

អ្នកអាចចែករំលែកដោយ៖

អត្ថបទទាក់ទង