គ្រូបង្វឹក Inter Milan បន្តកុងត្រាថ្មី ដល់ឆ្នាំ ២០២៦

បាល់ទាត់
July 15th, 2024 (6 months)
524 Views
Share

លោក Simone Inzaghi បានធ្វើការកុងត្រាថ្មី បន្តធ្វើជាគ្រូបង្វឹកជាមួយក្លិប Inter Milan ដល់ថ្ងៃទី៣០ ខែមិថុនា ឆ្នាំ២០២៦។ នេះបើតាមការប្រកាសអោយដឹងពីក្លិបនៅលីគកំពូលអ៊ីតាលី។

ការចុះកុងត្រាថ្មីនេះ ធ្វើអោយលោក Simone Inzaghi នឹងទទួលបានប្រាក់ពលកម្មក្នុងមួយរដូវកាល ៦.៥លានអ៊ឺរ៉ូ។ នៅក្នុងករណីដែលក្លិប Inter Milan បានឈ្នះពានលីគកំពូល Serie A នៅក្នុងរដូវកាល ២ឆ្នាំខាងមុខ នោះលោកនឹងទទួលបានប្រាក់លើកទឹកចិត្តក្នុងមួយរដូវកាលគឺ ២លានអ៊ឺរ៉ូ។

Inter Milan មានបំណងចង់បន្តកុងត្រាថ្មីជាមួយ បុរសវ័យ ៤៨ឆ្នាំ ពីខែមេសា ឆ្នាំ២០២៤ មកម្ល៉េះ ព្រោះកុងត្រាចាស់ របស់លោកនឹងផុតកំណត់នៅថ្ងៃទី៣០ ខែមិថុនា ឆ្នាំ២០២៥។

លោក Simone Inzaghi បានមកដឹកនាំក្លិប Inter Milan តាំងពីឆ្នាំ២០២១មកដោយធ្លាប់ឈ្នះពាន Serie A ក្នុងរដូវកាល ២០២៣-២៤ , ពាន Coppa Italia ២ រដូវកាល, ពាន Supercoppa Italiana ៣រដូវកាលជាប់គ្នា និងបានជួយក្លិបឡើងដល់វគ្គផ្តាច់ព្រ័ត្រ UEFA Champions League ២០២២-២៣ តែបានដំណែងរងជើងឯកក្រោយចាញ់ Manchester City ដោយលទ្ធផល ១-០៕

អត្ថបទទាក់ទង

គ្រូបង្វឹក Inter Milan បន្តកុងត្រាថ្មី ដល់ឆ្នាំ ២០២៦

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស