ខ្សែប្រយុទ្ធ Kylian Mbappe បង្ហាញខ្លួនជាសមាជិក Real Madrid ជាផ្លូវការ

បាល់ទាត់
July 17th, 2024 (6 months)
557 Views
Share

ខ្សែប្រយុទ្ធ Kylian Mbappe បានធ្វើការបង្ហាញខ្លួនក្លាយជាសមាជិករបស់ Real Madrid ជាផ្លូវការហើយ ដោយចូលរួមក្នុងនាមជាកីឡាករឥតតម្លៃខ្លួន ក្រោយចាកចេញពីក្លិបបារាំង Paris St Germain។

កីឡាករវ័យ២៥ឆ្នាំ បានចុះកុងត្រាជាមួយក្លិបអធិរាជស Real Madrid រយៈពេល៥ឆ្នាំ ដោយគិតចាប់ពីថ្ងៃទី០១ ខែមិថុនា ឆ្នាំ២០២៤ រហូតទៅដល់ថ្ងៃទី៣០ ខែមិថុនា ឆ្នាំ២០២៩ ហើយសម្រាប់ការលេងនាកីឡដ្ឋាន Santiago Bernabéu នេះ រូបគេទទួលបានអាវលេខ៩ ។

Real Madrid ត្រូវបានគេដឹងថា ជាក្លិបដែល Kylian Mbappe ចង់មកលេងអោយរហូតមកតាំងពីកុមារវ័យ។

នៅក្នុងការថ្លែងសន្ទរកថាកីឡាករសញ្ជាតិបារាំងរូបនេះ ក៏បានសម្ដែងនូវការសប្បាយចិត្ត និងបង្ហាញអារម្មណ៍ខិតខំ ក្នុងការជួយក្លិបក្នុងក្ដីស្រមៃរបស់គេនេះអោយកាន់តែរីកចម្រើនទៅមុខទៀត។

Real Madrid បានធ្វើការផ្ដល់អផុ Mbappe នូវប្រាក់ពលកម្មក្នុងមួយឆ្នាំរហូតទៅដល់ ១៥លានអ៊ឺរ៉ូ ជាមួយនឹងប្រាក់លើកទឹកចិត្តនៃការចុះហត្ថលេខាជាមួយក្លិបរហូតទៅដល់ ១៥០លានអ៊ឺរ៉ូ ហើយគេអាចយកកម្រៃពីសិទ្ធិលក់រូបភាពរបស់គេពេញសិទ្ធិ។

ការចូលរួមរបស់ Kylian Mbappe កាន់តែធ្វើអោយ Real Madrid ក្លាយជាក្លិបដ៏មានឥទ្ធិពលមួយនិង ប្រជុំដោយកីឡាករវ័យក្មេង មានភាពលេចធ្លោផ្សេងទៀតដូចជា Vinicius Junior និង Jude Bellingham រួមជាមួយគ្រូបង្វឹកល្បីឈ្មោះ លោក Carlo Ancelotti ដែលជាបុគ្គលឈ្នះពានរង្វាន់ UEFA Champions League ច្រើនជាងគេ គឺ៥ដង៕

អត្ថបទទាក់ទង

ខ្សែប្រយុទ្ធ Kylian Mbappe បង្ហាញខ្លួនជាសមាជិក Real Madrid ជាផ្លូវការ

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស