កីឡាករបារាំង Arthur Fils យកបានតំណែងជើងឯកការប្រកួតវាយកូនបាល់កម្មវិធី Hamburg Open 2024

កីឡាចម្រុះ
July 22nd, 2024 (10 months)
552 Views
Share

កីឡាករបារាំង Arthur Fils បានក្លាយជាម្ចាស់ជើងឯកនៃការប្រកួតវាយកូនបាល់កម្មវិធី Hamburg Open 2024 ដែលបានដំណើរការចាប់ពីថ្ងៃទី ១៥ ដល់ថ្ងៃទី២១ ខែកក្កដា កន្លងទៅ នាទីក្រុង Hamburg ប្រទេសអាល្លឺម៉ង់។

ជាក់ស្តែង ការទទួលបានតំណែងជើងឯកនេះ បន្ទាប់ពីកីឡាករ វ័យ២០ឆ្នាំ បានយកឈ្នះម្ចាស់ជើងឯកឆ្នាំចាស់ កីឡាករម្ចាស់ផ្ទះ Alexander Zverev នៅក្នុងការប្រកួតវគ្គផ្តាច់ព្រ័ត្រ តាមរយៈលទ្ធផល 6-3 3-6 និង 7-6 ចាយពេលអស់ជាង ៣ម៉ោង កន្លះ។

នេះជាការឈ្នះពានរង្វាន់ទី១ ក្នុងរដូវកាល២០២៤ របស់កីឡាករ Arthur Fils ហើយវាក៏ជាពានរង្វាន់កម្រិត ATP ទី២ ក្នុងអាជីពរបស់គេផងដែរ បន្ទាប់ពីឈ្នះពានរង្វាន់ Lyon Open កាលពីឆ្នាំ២០២៣។

សូមបញ្ជាក់ថា កម្មវិធី Hamburg Open 2024 គឺជាការដំណើរការលើកទី១១៨ នៅក្នុងប្រវត្តិសាស្ត្រ។ សម្រាប់ប្រាក់រង្វាន់នៃកម្មវិធី មានប្រមាណ ២លាន ៦ម៉ឺនដុល្លារអាមេរិក៕

អត្ថបទទាក់ទង

កីឡាករបារាំង Arthur Fils យកបានតំណែងជើងឯកការប្រកួតវាយកូនបាល់កម្មវិធី Hamburg Open 2024

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស