កំពូលអ្នកសារព័ត៌មាន ថា Zidane នឹងមក Man Utd បើក្រុមបិសាចក្រហមដាក់សំណើផ្លូវការ

បាល់ទាត់
October 19th, 2021 (2 years)
1672 Views
Share

បច្ចុប្បន្ន Zidane គ្មានការងារធ្វើនៅឡើយ ហើយបើយោងតាមអ្នកជំនាញខាងផ្ទេរកីឡាករ ពោលគឺលោក Fabrizio Romano បាននិយាយថា លោក Zidane នឹងមិនបោះបង់ឱកាសដើម្បីដឹកនាំ Man United ទេ ប្រសិនបើគាត់ត្រូវបានក្លិបទាក់ទងនោះ។

កំពូលអ្នកសារព័ត៌មាន Romano បានសង្កត់ធ្ងន់ថា គាត់មិនទាន់ត្រូវបានក្លិបបិសាចក្រហម ទាក់ទងជាផ្លូវការនៅឡើយទេ ហើយថ្នាក់ដឹកនាំរបស់ក្លិបនៅតែពេញចិត្តនឹងការងារដែលលោក Ole Gunnar Solskjaer កំពុងធ្វើ។ ប៉ុន្តែអ្នកគាំទ្ររបស់ក្រុមបិសាចក្រហម ចាប់ផ្ដើមចោទជាសំណួរទាក់ទងនឹងការដឹកនាំរបស់គាត់។

លោក Romano បាននិយាយទៅកាន់ឆានែលអ្នកគាំទ្រក្លិបបិសាចក្រហម United Stand ថា៖ “រឿងដំបូងដែលខ្ញុំអាចនិយាយបាន គឺថានៅពេលនេះគ្មានទំនាក់ទំនងទេ រវាង Zidane និង Man United ។ ដូចគ្នាសម្រាប់លោក Conte ។”

“ប៉ុន្តែខ្ញុំមានអារម្មណ៍ថា អ្នកចាត់ការទូទៅទាំងនេះ ដឹងថា United មានក្រុមដ៏អស្ចារ្យ ដូច្នេះពួកគេដឹងថា ប្រសិនបើពួកគេត្រូវបានគេខលហៅក្នុងរយៈពេលពីរបីសប្តាហ៍ ឬប៉ុន្មានខែទៀត ពិតណាស់អ្នកគ្រប់គ្រងប្រភេទនេះដឹងថា United មានក្រុមអស្ចារ្យ។ ដូច្នេះខ្ញុំមិនមានការសង្ស័យលើរឿងនេះទេ។”

“ខ្ញុំគិតថា Conte និង Zidane មិនបដិសេធ United ទេ។ វាមិនមែនជាបញ្ហាទេ។ វាអាស្រ័យលើការសម្រេចចិត្តពីក្រុមប្រឹក្សាភិបាលហើយពួកគេនៅតែការពារ Ole។”

លោក Gary Neville អតីតកីឡាកររបស់ Man Utdបាននិយាយថា លោក Conte មិនសមនឹងក្លិបនេះទេ ហើយលោក Brendan Rodgers ក៏មិនសក្តិសមដែរ។

កុំភ្លេចរង់ចាំទស្សនា កម្មវិធី CBS Fantasy League ដែលចាក់ផ្សាយរៀងរាល់ថ្ងៃសុក្រ វេលាម៉ោង ២១:០០ – ២២:០០។

សូមជម្រាបជូនថា កម្មវិធី CBS Fanzone ចាក់ផ្សាយរៀងរាល់ថ្ងៃព្រហស្បតិ៍ ម៉ោង ២១:០០ – ២២:០០ នៅលើកញ្ចក់ទូរទស្សន៍ MyTV និងមានចាក់ផ្សាយឡើងវិញនៅលើកញ្ចក់ទូរទស្សន៍ CTN រៀងរាល់ថ្ងៃសៅរ៍ ម៉ោង ២១:០០ – ២២:០០៕

អត្ថបទទាក់ទង