តារាចម្រៀងអាមេរិក Snoop Dogg នឹងចូលរួមរត់បណ្តាក់ភ្លើងគប់អូឡាំពិកឆ្នាំ២០២៤

Olympic
July 24th, 2024 (3 months)
267 Views
Share

តារាចម្រៀងរ៉េបជនជាតិអាមេរិក Snoop Dogg នឹងស្ថិតក្នុងចំណោមអ្នកកាន់ភ្លើងគប់អូឡាំពិកឆ្នាំ២០២៤ ក្នុងដំណាក់កាលចុងក្រោយ មុនពេលពិធីបើកការប្រកួតកីឡាជាផ្លូវការនាទីក្រុងប៉ារីស ។

អាជ្ញាធរទីក្រុងប៉ារីស លោក Mathieu Hanotin បាននិយាយនៅលើបណ្តាញសង្គម X ថា តារាចម្រៀង Snoop Dogg អាយុ ៥២ ឆ្នាំនឹងកាន់ភ្លើងគប់ រត់បណ្តាក់តាមដងផ្លូវនៃតំបន់ Saint-Denis ជាយទីក្រុងប៉ារីស ដោយតំបន់នេះហើយ ដែលជាទីតាំងស្ថិតនៅរបស់កីឡដ្ឋានជាតិបារាំង Stade de France ។

លោក Hanotin បានសរសេរថា “Saint Denis ជាជំហានចុងក្រោយនៅពីមុខប៉ម Eiffel Tower។ តារាចម្រៀងរ៉េបអន្តរជាតិ Snoop Dogg និងស្ថិតក្នុងចំណោមអ្នករត់ខ្សែចុងក្រោយសម្រាប់ ភ្លើងគប់អូឡាំពិក។”
តារាចម្រៀងរ៉េប Snoop Dogg ដែលកំពុងចូលរួមចំណែកផ្សព្វផ្សាយផ្នែកកីឡាកររបស់ទូរទស្សន៍អាមេរិក NBC Primetime ត្រូវបានគេស្គាល់កាន់តែច្បាស់នៅក្នុងពិភពកីឡាសម្រាប់ភាពយន្តឯកសារអំពីកីឡា Snoop Youth Football League របស់គេ។

ក្រៅពី លោក Snoop Dogg ដែលជាតារាច្រៀមដែលរួមចំណែករត់បណ្តាក់ភ្លើងគប់អូឡាំពិកឆ្នាំ២០២៤ហើយ តារាសិល្បៈរបស់បារាំងផ្សេងទៀតដូចជា តារាសម្តែង នាង Laetitia Casta និងតារាចម្រៀងរ៉េបបារាំង លោក MC Solaar ក៏នឹងចូលរួមចំណែកក្នុងការរត់បណ្តាក់ភ្លើងគប់អូឡាំពិក មុនពេលវាត្រូវយកទៅអុជបំភ្លឺបើកកម្មវិធីជាផ្លូវការផងដែរ៕

អត្ថបទទាក់ទង

តារាចម្រៀងអាមេរិក Snoop Dogg នឹងចូលរួមរត់បណ្តាក់ភ្លើងគប់អូឡាំពិកឆ្នាំ២០២៤

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស