លោក Hansi Flick ចង់បានខ្សែបម្រើ Ivan Perisic មករួមការងារជាថ្មីនៅ Barcelona

បាល់ទាត់
August 15th, 2024 (2 months)
237 Views
Share

គ្រូបង្វឹកថ្មី Barcelona លោក Hansi Flick បានធ្វើការទាក់ទងទៅកាន់អតីតកូនក្រុមគឺខ្សែបម្រើ Ivan Perisic ដើម្បីស្នើសុំរូបគេអោយមករួមការងារជាមួយខ្លួនសាជាថ្មី នៅក្លិប Barcelona នៅរដូវក្តៅនេះ ។

កីឡាករក្រូអាត វ័យ៣៥ឆ្នាំ អតីតសមាជិក Dortmund, Wolfburg, Inter Milan , Bayern Munich អាចលេងបានក្នុងតួនាទីខ្សែបម្រើ ទាំងស្លាបឆ្វេង និងស្លាបស្តាំ ខណៈ រដូវកាល ២០២២-២៣ រូបគេបានបង្កើតឱកាសអោយមិត្តរួមក្រុមអាចស៊ុតបញ្ចូលទីដល់ទៅ ១១ដង ជាមួយក្រុមក្រូអាត Hajduk Split។

Ivan Perisic ក៏ធ្លាប់លេងអោយ Tottenham Hotspur ពីរដូវកាល ២០២២-២៤ ខណៈកីឡាករដែលអាចប្រើប្រាស់ជើងឆ្វេងនិងស្តាំបានយ៉ាងស្ទាត់ជំនាញរូបនេះត្រូវបានគេមើលឃើញថាជាកីឡាករពូកែចែក និង បោះបាល់ ព្រមទាំងមានជំនាញស៊ុតបាល់ Free Kick និងទាត់បាល់ជ្រុង Corner ផងដែរ។

ដោយឡែក លោក Hansi Flick ធ្លាប់រួមការងារ ជាមួយ Ivan Perisic អំឡុង ពេលរូបគេលេងជាកីឡាករខ្ចីជើងពីឆ្នាំ ២០១៩ -២០ នៅ Bayern Munich ដោយ Perisic ស៊ុតបញ្ចូលទីបាន ១៤គ្រាប់ និងជាចំណែកមួយដ៏សំខាន់ជួយក្លិបលើកពាន Bundesliga និង UEFA Champions League ។

ការមកកាន់ការងារ នៅ Barcelona នេះ លោក Hansi Flick ចង់រួមការងារសាជាថ្មី ជាមួយ Ivan Perisic ដោយលោកយល់ឃើញថា រូបគេមានគុណផលគ្រប់គ្រាន់តាមការចង់បានរបស់ក្លិប។

សម្រាប់ Ivan Perisic វិញ បច្ចុប្បន្ន មិនបានប្រកបអាជីពដោយសុខស្រួលជាមួយ Hajduk Split នោះទេ ក៏ព្រោះតែរូបគេត្រូវបានរាយការណ៍ថា មានទំនាក់ទំនងមិនល្អ ជាមួយគ្រូបង្វឹក លោក Gennaro Gattuso ហើយពេលថ្មីៗនេះ រូបគេបានស្នើសុំចាកចេញពីក្លិបផងដែរ៕

អត្ថបទទាក់ទង

លោក Hansi Flick ចង់បានខ្សែបម្រើ Ivan Perisic មករួមការងារជាថ្មីនៅ Barcelona

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស