Kylian Mbappe បានទទួលកាតព្វកិច្ចទាត់បាល់១១ម៉ែត្រ ពីមិត្តរួមក្រុម Lionel Messi នៅចុងម៉ោង ប៉ុន្តែមិនធ្វើបានសម្រេច នៅកីឡដ្ឋាន Parc des Princes កាលពីយប់មិញ។
Kylian Mbappe ខកខានបាល់ប៉េណាល់ទីនៅម៉ោងបន្ថែម ស្របពេលដែល Lionel Messi មានឱកាសស៊ុតយកហែតទ្រីកខ្លួនឯង បន្ទាប់ពីស៊ុតបាន ២គ្រាប់ ប៉ុន្តែកីឡាករអាហ្សង់ទីននេះ បានសម្រេចចិត្តផ្ដល់បាល់ទៅឱ្យកីឡាករបារាំងវិញ។ ទោះជាយ៉ាងណា ក្រុម Paris Saint-Germain បានយកឈ្នះក្រុម RB Leipzig ក្នុងលទ្ធផល ៣-២ ក្នុងពានរង្វាន់ Champions League យប់មិញ។
សម្រាប់គ្រាប់បាល់បើកឆាករបស់ PSG ធ្វើបានដោយ Mbappe នៅតង់ទី១ ទោះបីជាគេបានខកខានឱកាសរកគ្រាប់ទី២ក៏ដោយ។
Mbappe បាននិយាយបែបនេះថា៖ “វាជារឿងធម្មតាទេ។ វាគឺជាការគោរពគ្នា។ គាត់ (Messi) ជាកីឡាករល្អបំផុតនៅលើពិភពលោក វាជាកិត្តិយសរបស់ខ្ញុំដែលបានលេងជាមួយគាត់។ នៅពេលទទួលបានលើកទី២ ពួកយើងក៏ផ្លាស់ប្ដូរគ្នាទាត់ គាត់បានប្រាប់ឱ្យខ្ញុំជាអ្នកទាត់៕”
កុំភ្លេចរង់ចាំទស្សនា កម្មវិធី CBS Fantasy League ដែលចាក់ផ្សាយរៀងរាល់ថ្ងៃសុក្រ វេលាម៉ោង ២១:០០ – ២២:០០។
សូមជម្រាបជូនថា កម្មវិធី CBS Fanzone ចាក់ផ្សាយរៀងរាល់ថ្ងៃព្រហស្បតិ៍ ម៉ោង ២១:០០ – ២២:០០ នៅលើកញ្ចក់ទូរទស្សន៍ MyTV និងមានចាក់ផ្សាយឡើងវិញនៅលើកញ្ចក់ទូរទស្សន៍ CTN រៀងរាល់ថ្ងៃសៅរ៍ ម៉ោង ២១:០០ – ២២:០០៕